Бразилски новинар за Нејмар: Тој е зависен од виски и наргиле, си легнува во 5 часот наутро

Бразилскиот фудбалер Нејмар најверојатно нема да се врати на теренот до крајот на 2025 година.

Информацијата ја објави новинарот Родолфо Гомес, кој истакна дека нема да има доволно време да се опорави за да се врати на теренот оваа година.

Покрај медицинските проблеми, Гомес изрази загриженост и за навиките што Нејмар ги практикува надвор од теренот, како што тврди. Според него, Нејмар наводно усвоил рутина што не се препорачува за професионални спортисти.

„Тој е зависен од виски и енергетски пијалоци, пуши наргиле и не спие до 4 или 5 часот наутро“, рече новинарот.

Се очекуваше Нејмар да му се придружи на Сантос во последната фаза од бразилското првенство, но веста ги разочара навивачите. Играчот, кој се врати во клубот кон средината на 2025 година како едно од највлијателните засилувања на сите времиња, одигра само неколку натпревари пред да се повреди повторно.