Брутални обвинувања на сметка на Алкараз! Руски бизнисмен тврди: Шпанецот учествува во местењето на натпревари! Тој презентираше и даде детално објаснување

Рускиот бизнисмен и поранешен сопственик на синџирот обложувалници „Уткин, Нобел и Маленков“ во оваа земја, Михаил Салцман, го обвини еден од најдобрите тенисери на планетата Карлос Алкараз за учество во местење натпревари!

Салцман, како што пренесува руски „Спорт Експрес“, презентирал детално објаснување за овие тврдења.

– Многу луѓе сакаат таканаречено обложување во живо. А кога станува збор за потенцијално последниот натпревар од мечот, на нив се ставаат големи суми бидејќи тоа е последниот облог на натпреварот. Имаме голем турнир на земјена подлога со Алкараз во Шпанија, цела земја навива за него и се обложува на него. Додека големи пари се ставени на Алкараз за победа, голема сума може да се стави и на друг начин. Имајќи предвид дека шансите за тоа се дијаметрално спротивни од малите за победа на играта Алкараз, а во случај на победа на противникот има голема добивка. Практично, сите пари што ги платија шпанските навивачи на Алкараз отидоа во рацете на измамници – истакна Михаил Салцман.

Тоа се наводно гемови кога Алкараз сервираше против Шевченко при 5:0 во вториот сет и на 5:3 против Штруф, исто така во вториот сет.

Махаил Салцман, исто така, тврди дека е во контакт со специјалниот оддел на азиско-пацифичкиот регион, кој следи индиции за местење натпревари и дека истрагата допрва треба да биде завршена.