Бугарија ќе ја зајакнува безбедноста на индустријата за оружје

 – Бугарија одлучи да ја зајакне безбедноста на индустријата за оружје во земјата, се вели во владиното соопштение.

Овој чекор дојде по експлозијата што се случи во неделата во складиште за муниција на приватен производител во близина на југоисточниот град Карнобат.

Во владиното соопштение се вели дека бугарскиот премиер Николај Денков им наложил на релевантните ресори на министерствата за економија и за внатрешни работи да извршат инспекции и да преземат превентивни активности за безбедноста на државните и приватните производствени претпријатија од воената индустрија.

Според тоа, тимови од сродни институции ќе извршат посети на повеќе локации со цел да ги зајакнат безбедносните мерки на објектите и луѓето во секторот.