Вал Килмер помина низ агонија пред смртта: Славниот актер со години беше врзан за кревет, а вака ги помина последните денови од животот (фото)
Холивудскиот актер Вал Килмер почина на 1 април по битка со пневмонија. Актерот долги години се борел и со ракот на грлото, што му оставило сериозни последици. Според TMZ, актерот често губел енергија поради третманот на кој бил подложен.
Извори за медиумите изјавија дека Килмер бил врзан за кревет со години пред неговата смрт, а неговото здравје се влошило минатата недела. Иако бил излечен од рак, бил изнемоштен и многу слаб поради тешката болест.
Актерот на почетокот на годинава заврши во болница, но не се знае зошто. Тој беше во болница неколку дена пред смртта а семејството ги помина последните моменти со него.
Килмер последен пат е виден во 2019 година, а оттогаш поради неговото здравје не се појавува во јавноста.
На легендарниот актер му беше дијагностициран рак на грлото во 2015 година, а беше прогласен за излечен од рак во 2021 година. Поради болеста, тој беше подложен на радиотерапија, хемотерапија и неколку операции, вклучително и трахеотомија која значително влијаеше на неговата способност да зборува и трајно му го промени гласот.
Неговата ќерка Мерцедес потврди дека нејзиниот татко починал во вторникот во неговиот дом во Лос Анџелес.
Инаку, Вал ги доби Мерцедес и Џек со поранешната сопруга Џоан Воли. Поранешните сопружници се запознале во 1986 година на снимањето на филмот „Врба“. Тие се венчаа во 1988 година и се разведоа во 1996 година, набргу откако добија син.
