Ватикан и Мајкрософт создадоа дигитална базилика Свети Петар користејќи вештачка интелигенција! Сега можете да направите виртуелна тура
Доколку до сега не сте имале прилика да ја посетите оваа прекрасна зграда, тоа можете да го направите „од далечина“ благодарение на вештачката интелигенција. Имено, Ватикан и Мајкрософт создадоа неверојатна 3Д реплика на базиликата Свети Петар за виртуелни тури.
Ватикан и Мајкрософт создадоа дигитална верзија на вештачката интелигенција (АИ) на базиликата Свети Петар во Рим, која овозможува виртуелни тури за туристите, а истовремено помага да се решат грижите за зачувување на еден од најважните споменици во светот.
400.000 дигитални фотографии со висока резолуција направени со беспилотни летала, камери и ласери во текот на четири недели беа искористени за создавање на оваа верзија на базиликата, а сега е достапна на интернет – заедно со две нови локации посветени на споменикот, кои обезбедуваат интерактивно искуство за посетителите. објави АП.
– Ова е буквално еден од најсовремените технолошки проекти од ваков вид што некогаш е реализиран – изјави претседателот на Мајкрософт, Бред Смит на прес-конференција во Ватикан.
Тој објасни дека репликата на базиликата во ултра прецизна 3Д технологија е развиена во соработка со компанијата Икон за дигитално зачувување и дека содржи 22 терабајти податоци.
Проектот започна во пресрет на 2025 година – јубилејната година на Ватикан и Светата година за Римокатоличката црква, во текот на која се очекува повеќе од 30 милиони аџии да поминат низ вратите на базиликата, покрај редовните 50.000 посетители кои секојдневно го посетуваат.
– Сите, навистина сите, треба да се чувствуваат добредојдени во оваа голема куќа – рече папата Фрањо, кој во понеделникот ги прими Смит и членовите на тимот што го развија овој проект и им се заблагодари за постигнатото.
Посетителите можат да резервираат време за посета на базиликата преку дигитална платформа, што е исто така новина кога станува збор за еден од најпосетуваните споменици во светот каде туристите нормално чекаат во ред со часови за да влезат.
