Вест која ја потресе Европа! Знаете ли кој е најголемиот купувач на руски гас?!
Во февруари Франција ја престигна Унгарија и стана главен купувач на руски гас меѓу европските земји, според извештајот заснован на податоците од европската статистика, пишува Информер.
Во февруари Франција купи течен природен гас (LNG) во вредност од 322,3 милиони евра од Русија, што е за 10 отсто повеќе од претходниот месец. Тоа купување ја направи главен увозник на руски гас во ЕУ, што последен пат се случи во ноември 2023 година.
Унгарија стана рекордер по набавка на руски гас во декември минатата година. Сепак, во февруари го намали увозот за една третина и падна на второто место.
Третото место за увоз на руски гас го зазема Шпанија со увоз на ЛНГ во вредност од 118,3 милиони евра.
Земја која најмногу го зголемила купувањето на гас од Русија во февруари – дури 7,8 пати, на 110,4 милиони евра, е Грција, а потоа следат новите членки на НАТО, Финска и Шведска, кои ги удвоиле набавките на 6,6 и 4,7 милиони евра.
Европскиот пазар историски беше главен пазар за руските производители на гас. Пред експлозијата на Северен тек 1 и 2 и почетокот на Специјалната воена операција, извозот имаше над 150 милијарди кубни метри гас, но сега тој значително се намали.
Сепак, и покрај падот на увозот на гас од Русија за околу 80 отсто по нападот на Москва врз Украина, увозот на течен природен гас во Европската унија од таа земја минатата година беше највисок од 2019 година. Увозот на течен природен гас од Русија во земјите од Европската унија во 2022 година е зголемен за 35 отсто во однос на претходната година. Исто така, увозот на ЛНГ достигна тригодишен максимум од 19,2 милијарди кубни метри и е зголемен за 31 отсто во однос на обемот во 2020 година.
Дневниот увоз на течен природен гас од Русија во ЕУ во средината на март бил вреден десет милиони евра, додека за рускиот природен гас од гасоводот биле платени 30 милиони евра, а исто толку за сурова нафта и нафтени деривати од таа земја.
Овие податоци покажуваат дека и покрај санкциите кон Москва, Европската Унија и понатаму е најголемиот купувач на нејзините енергетски производи, веднаш по Кина.
