Вештачката интелигенција добила податоци за сите жители на една земја, а сега истата предвидува секој човек колку долго ќе живее !?
Истражувачите развија алатка за вештачка интелигенција која користи податоци за животот на една личност – здравствени досиеја, образование, работа и заработка – за да предвиди сè, од особините на таа личност до колку долго ќе живее. Алатката е изградена користејќи го моделот ChatGPT, а новата алатка се нарекува life2vec и веќе на прв поглед наликува на некој уред од научно-фантастичните филмови.
Алатката за вештачка интелигенција е обучена врз база на податоци на дури 6 милиони луѓе – сите жители на Данска, пишува Phys.org.
Се вели дека алатката може да предвиди колку долго ќе живее човекот со висока точност благодарение на сложените збирки на податоци. И покрај тоа, тимот кој стои зад истражувањето вели дека најдобро е кога се користи да не се предвидуваат животниот век, туку само да се обезбеди основа за идната работа.
„Иако користиме прогнози за да процениме колку се добри овие модели, алатката не треба да се користи за предвидување на животниот век на вистинските луѓе. Тоа е модел на предвидување базиран на специфичен сет на податоци за одредена популација“, вели Тина Елиаси-Рад, професорка по компјутерски науки на Универзитетот „Нортистон“.
Таа ја донесе својата експертиза во етиката на вештачката интелигенција во проектот.
„Овие алатки овозможуваат општеството да се гледа на поинаков начин – закони, правила и обврски. Тоа е како скенирање на она што се случува во земјава“, вели таа.
„Овој модел нуди многу поширок поглед на светот во кој живеат човечките суштества од другите модели“, вели Сун Лиман, автор на студијата објавена во Nature Computational Science.
Во основата на алатката life2vec е огромен сет на податоци што се користел за обука на моделот. Станува збор за податоци од Данска односно од централната данска канцеларија за статистика, а пристапот им е дозволен на истражувачите. Има детални информации за секој граѓанин на оваа нордиска земја.
„Оваа алатка е како опсерваторија на општеството, но не сите општества, туку само она во Данска, во данската култура, со локални закони и општествени правила. Друга приказна е дали ова би можело да се искористи во САД“, изјави Тина Елиаси-Рад.
