Вештачки засладените пијалоци го зголемуваат ризикот од аритмија: Избегнувајте ги како и обичниот шеќер (фото)
Истражувачите ги анализирале податоците од UK Biobank и откриле дека честото консумирање засладени пијалоци, без разлика дали се природно слатки, како што се сок или вештачки засладени, диеталните газирани пијалоци, носи зголемен ризик од неправилен срцев ритам, исто така познат како атријална фибрилација или аритмија.
Нивните наоди беа објавени во списанието на Американското здружение за срце.
„Нашата студија покажува дека потрошувачката на повеќе од два литри засладени пијалоци неделно е поврзана со 10 отсто ризик од појава на атријална фибрилација во споредба со оние што не пијат, независно од традиционалните фактори на ризик“, објасни Нинџијан Ванг, водечки автор на студијата и истражувач во Шангајската деветта народна болница и Медицинскиот факултет на Универзитетот во Шангај Џиао Тонг во Кина, за списанието Medical News Today.
Тој додаде дека таа бројка се зголемува до 20 отсто за луѓето кои консумираат повеќе од два литри вештачки засладени пијалоци неделно, надминувајќи го ризикот поврзан со консумирање иста количина на пијалоци засладени со шеќер.
Вештачките синтетички засладувачи не се без ризик
Ванг рече дека тој и неговите колеги забележале дека здравствените ризици од вештачки засладените пијалоци биле донекаде недоволно истражени, па затоа ги категоризирале засладените пијалоци во три категории.
Првата категорија беа пијалоци со додадени шеќери како што се бел шеќер, сахароза и фруктозен сируп, кои вообичаено се гледаат во недиететски мешавини на сокови и овошни сокови.
Втората категорија беа свежо цедените овошни сокови без додаден шеќер. Ограничениот внес на природен овошен сок може да биде корисен. Ванг истакна дека консумирањето помалку од еден литар неделно не само што обезбедува витамини, минерали и антиоксиданси, туку е поврзано и со осум отсто намален ризик од атријална фибрилација. Сепак, истражувачите не откриле заштитен ефект при консумирање повеќе од еден литар од овие пијалоци неделно.
Трета категорија на пијалоци, оние со вештачки засладувачи како сукралоза, аспартам и ацесулфам се популарни бидејќи овие производи се слатки, но генерално содржат ограничени калории. Сепак, овие вештачки, синтетички засладувачи не се без ризик.
Избегнувајте и пијалоци засладени со шеќер
Ванг предупреди дека студијата пронашла корелација, но не и причинска врска. Сепак, резултатите силно сугерираат дека намалувањето на засладените пијалоци е паметен избор.
– Ги охрабруваме луѓето да се грижат за здравјето на своето срце. Раното откривање на факторите на ризик како што е нездравата исхрана и преземањето проактивни мерки може ефикасно да ги намали шансите за идни болести – изјави Ванг.
Врз основа на нашата студија, Ванг и неговите колеги ги советуваат луѓето да ја намалат или дури и избегнуваат потрошувачката на пијалоци засладени со шеќер и вештачки засладени пијалоци секогаш кога е можно.
Што е атријална фибрилација?
Атријалната фибрилација е неправилен и често многу брз срцев ритам. Неправилниот срцев ритам се нарекува аритмија. Атријалната фибрилација може да доведе до згрутчување на крвта во срцето и исто така го зголемува ризикот од мозочен удар, срцева слабост и други компликации поврзани со срцето , според експертите на клиниката Мајо.
За време на атријална фибрилација, горните комори на срцето, наречени преткомори, чукаат хаотично и неправилно. Тие чукаат несихронизирано со долните комори на срцето. За многу луѓе, атријалната фибрилација може да нема симптоми, но може да предизвика забрзано чукање на срцето, отежнато дишење или вртоглавица.
Овој проблем треба да се сфати сериозно бидејќи бара соодветен третман за да се спречи мозочен удар.
