ВИДЕО | ВО ЦЕНТАР – Христијан Мицкоски е ‘заробен’ од македонската олигархија !?

Во последната емисија „ВО ЦЕНТАР“ со новинарот Васко Ефтов, гостуваше поранешниот министер за внатрешни работи од редовите на ВМРО-ДПМНЕ, Оливер Андонов, кој што даде свое видување за моменталната ситуација во најголемата опозициска партија во Македонија.

Оливер Андонов кој што со уште неколку истакнати членови на ВМРО-ДПМНЕ има своја фракција против актуелното раководство на партијата, искрено зборуваше за сегашната состојба и атмосфера што владее во партијата.

Оливер Андонов тврди дека претседателот на партијата, Христијан Мицкоски, е под директна контрола на македонската олигархија односно работи во корист на истакнати македонски бизнисмени кои 30 години се дел од политичките збиднувања во државата. Тој го спореди претседателот на ВМРО-ДПМНЕ и неговиот стил со поранешниот претседател на партијата, Љубчо Герогеивски, во однос на нивниот пристап кон олигархијата.

„Не се сомневам дека Христијан Мицкоски е под директна контрола на таа олигархија. Внатрешните состојби на таа политичка олигархија, која дополнително ја отежнува состојбата во ВМРО-ДПМНЕ односно тенденцијата на раководството на чело со претседателот, создаваат сопствена елитистичка приказна“, вели Оливер Андонов.

Тој додава дека овој еден вид процес го има започнато Љубчо Георгиевски, кога низ македонската јавност кружеа приказните дека ВМРО-ДПМНЕ ќе прерасне во елитистичка политичка партија, а денес го предводи Христијан Мицкоски.

Познато е дека Љубчо Георгиевски беше фронт-мен на тие елитни процеси односно покажување на раскош, но со доаѓањето на Никола Груевски и ја врати партијата на „пониско“ ниво, односно тие работи ги остави зад себе.

Оливер Андонов вели дека доколку Никола Груевски бил подготвен на таков тип на игра, Христијан Мицкоски е поголем хедосит од него.

Целото интервју со Оливер Андонов и најновата емисија „ВО ЦЕНТАР“ можете да ја погледнете овде.