ВИДЕО | “ВРЕМЕТО ИСТЕЧЕ!“ – Светот нестрпливо чека да види што ќе се случи со исчезнатата подморница, а јавноста е шокирана од неверојатна информација!

Специјалниот авион од Канада кој ја бара исчезнатата подморница Titan која се упати на пат кон потонатиот брод Титаник открил подводни звуци, соопшти американската крајбрежна стража, а информацијата била потврдена на прес-конференција во средата.

„Откриените сигнали ги испративме до најдобрите луѓе во светот кои ги анализираа и ни ги вратија за да можат раководителите на истрагата да донесат одлуки. Моравме да ги елиминираме потенцијалните извори на тие звуци кои потенцијално не беа направени од подморницата Titan“, изјавил Карл Хартсфилд, експерт кој помага во потрагата.

Американската крајбрежна стража предвидува дека залихите на кислород во подморницата Titan ќе бидат потрошени најдоцна до денес односно до 13 часот и 8 минути по македонско време. Според последните објавени информации од британските медиуми кои известуваат од минута во минута, се вели дека залихите на кислород се веќе потрошени!

Додека продолжува потрагата по исчезнатата подморница со пет патници која ги истражуваше остатоците од потонатиот брод Титаник, се појави неверојатна вест дека Titan е контролирана од џојстик од само 30 долари. Работите да бидат уште полоши, ова е џојстик кој доби стотици лоши оценки од клиентите на Интернет.

OceanGate, компанија за подводни турнеи, откри дека подморницата Titan е контролирана од модифициран џојстик – Logitech G F710 Wireless Gamepad кој датира од 2010 година.

Џојстикот, кој работи на две AA батерии, има вкупна оцена од 4,2 на платформата Amazon, но има и стотици прегледи со една ѕвезда кои датираат од пред повеќе од една деценија кои тврдат дека уредот страда од досадни и редовни проблеми со поврзувањето.

Други теми меѓу негативните критики вклучуваат проблеми со аналогните стапчиња на џојстикот, како и фактот дека притискањето на одредени копчиња ја нарушуваат целата работа.

Logitech G F710 Wireless Gamepad е компатибилен само со Windows и Chrome системите стари повеќе од една деценија, пишува Daily Mail.

Како што се вели во еден коментар на корисник на Amazon, кој купил два џојстика во 2017 година – „Морав да ги фрлам во ѓубре по само четири месеци“.

Акциите на Logitech паднаа за три отсто во средата наутро, кога се рашири веста за исчезнатата подморница со помош на нивниот џојстик, а паднаа за четири отсто во последните пет дена.

Експедицијата на OceanGate одведе пет луѓе, кои наводно платиле по 250.000 долари, во длабочините на Атланскиот Океан на подводна турнеја во неделата, а контактот со екипажот бил изгубен по час и 45 минути.

Додека светот нетрпеливо чека да се најде екипажот, јавноста е шокирана од застарениот џојстик за компјутерски игри што ја контролира подморницата на OceanGate.

Сребрениот уред има традиционален распоред на системот за игри со две аналогни стапчиња на предната страна, црна D-рампа на горниот лев агол и шарени копчиња на десната страна. Има безжична врска од 2,4 GHz, за која корисниците на Amazon велат дека повремено ќе ја напуштат.

Logitech G F710 може да се ракува безжично со користење на две AA батерии или да се вклучи во извор на енергија.

Не е познато како џојстикот се напојува во подморницата, но АА батериите можат да траат и до 10 години.

Во описот на уредот стои дека работи со оперативните системи Windows XP, Vista, Windows 7, 8, 10 и 11 и Chrome OS.

Сè уште нема индикации што би можело да тргне наопаку со Titan за толку кратко време, но спасувачките мисии работат на пронаоѓање на подморницата пред да остане без кислород, иако според последните информации екипажот веќе е без кислород.

Titan, подморница управувана од американската компанија OceanGate Expedition, е дизајнирана да остане под вода до 96 часа, според неговите спецификации. Затоа, петте членови на екипажот треба да имаат воздух до четврток наутро.

Капетанот и четири патници биле во подморницата во моментот на нејзиното исчезнување. Titan изгубил контакт рано во неделата, час и 45 минути по почетокот на нуркањето кое требало да трае два часа. OceanGate Expedition Titanom нуди посета на познатиот бродолом за 250.000 долари по седиште, според информациите на официјалната веб-страница.

Еден од патниците на исчезнатата подморница е британскиот бизнисмен Хамиш Хардинг, чија авиокомпанија објави информации за неговата експедиција на социјалните мрежи.

Хамиш Хардинг, 58-годишен авијатичар и вселенски турист кој раководи со Action Aviation, објавил на својот профил на социјалната мрежа Инстаграм во неделата дека е горд што се приклучил на мисијата OceanGate.

Во подморницата се и пакистанскиот бизнисмен Шахзада Давуд и неговиот син Сулејман.

Шахзада Давуд е заменик-претседател на пакистанскиот конгломерат Engro, компанија со седиште во Карачи со портфолија во енергетиката, земјоделството, петрохемијата и телекомуникациите.

Меѓу патниците веројатно е и францускиот океанограф Пол-Хенри Наргеолет, експерт за потонатиот брод Титаник.

Спасувачките тимови од САД и Канада сè уште се обидуваат да ја пронајдат подморницата, за кој се верува дека последен пат испратила сигнал кога била директно над урнатините на Титаник пред истата да остане без воздух.