ВИДЕО | “ДА ЈА ЗАВРШИМЕ РАБОТАТА!“ – Официјално: Џо Бајден се кандидираше за нов претседателски мандат

Од Симеоне С Последно обновено Апр 25, 2023

Претседателот на Соединетите Американски Држави (САД), Џо Бајден, официјално ја објави својата кандидатура за нов претседателски мандат во 2024 година.

„Секоја генерација има момент кога треба да ја брани демократијата и нивната основна слобода. Верувам дека тоа ни падна нам. Затоа се кандидирам за нов мандат како претседател на САД. Придружете ни се за да ја завршиме работата“, стои во објавата на Џо Бајден.

Every generation has a moment where they have had to stand up for democracy. To stand up for their fundamental freedoms. I believe this is ours.

That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly
— Joe Biden (@JoeBiden) April 25, 2023

80-годишникот ја „фрли капата во рингот“ и покрај честите расправии за неговата возраст, бидејќи на крајот на вториот мандат би имал 86 години. Со денешното соопштение се навршуваат четири години откако тој влезе во претседателската трка во 2020 година.

Неговата порака од кампањата се очекува да се фокусира на неговите достигнувања на функцијата – особено неговиот двопартиски инфраструктурен план, планот „CHIPS“ и планот за спас на САД како одговор на пандемијата со вирусот Ковид-19.

Сепак, за разлика од 2020 година, кога Џо Бајден ги насочи своите напади кон Доналд Трамп, овојпат ќе мора да ја брани сопствената работа во Белата куќа.