ВИДЕО | ДРАМА ВО ОБЕДИНЕТИТЕ НАЦИИ – Еди Рама им ја ‘плесна’ вистината в лице на Русите: “Не сакате Володимир Зеленски да зборува ? Запрете ја војната!“

Светските медиуми со нетрпение ја очекуваа конфронтацијата меѓу претседателот на Украина, Володимир Зеленски и министерот за надворешни работи на Русија, Сергеј Лавров, во Њујорк за време на Советот за безбедност на ОН, но тоа не се случи.

Володимир Зеленски ја напушти седницата набргу по говорот, а Сергеј Лавров се појави речиси два часа подоцна, во моментот кога требаше да го одржи својот говор и во моментот кога на говорницата беше државниот секретар на САД, Ентони Блинкен.

Сергеј Лавров го бранеше правото на Русија да користи право на вето во Советот за безбедност на ОН, потсетувајќи на Повелбата на ОН, а потоа енергично ги критикуваше САД за отворено мешање во внатрешните работи на Украина по распадот на Советскиот Сојуз.

„Сите факти се турнати под тепих“, вели Сергеј Лавров.

Пред почетокот на седницата, рускиот амбасадор во ОН, Василиј Небензија, се спротивстави на обраќањето на Володимир Зеленски, а на тоа му одговори премиерот на Албанија, Еди Рама, со оглед на тоа дека неговата земја претседава со Советот во септември.

„Би сакал да ги уверам нашите руски колеги и сите присутни дека ова не е специјална операција на албанското претседателство, туку продолжување на добрата традиција и пракса. Постои решение за ова. Запрете ја војната и претседателот Володимир Зеленски нема да зборува“, саркастично истакна Еди Рама.