ВИДЕО | ДРАМА НА НЕБОТО – На Интернет се шири хаотична снимка од слетување на авион во Португалија: Моторот се запалил, а пилотот се одлучил за храбар чекор
На Интернет се појавија застрашувачки снимки од момент кога патнички авион со 90 луѓе се обидува да слета на писта во Португалија, откако силните ветрови предизвикале моментален дефект на моторот.
Летот на Scandinavian Airlines – SK2901 полетал од Стокхолм на 6. јануари за Фуншал, Мадеира. Додека требало да слета, силните ветрови го „урнаа“ авионот на пистата.
Авионот Airbus А320 се лизнал од пистата и се појавиле искри додека неговата опрема за слетување ги апсорбирала неверојатните сили, а пламен за момент избувнал од левиот мотор. Авионот потоа се вратил во воздух бидејќи пилотот не успеал соодветно и безбедно да го приземји леталото.
Враќајќи го леталото под контрола, пилотот добил наредба да го задржи 20 минути пред повторно да се обиде да слета, но забележал испарувања од левиот мотор.
Загрижен за безбедноста на моторот, пилотот на Scandinavian Airlines се одлучил за аеродромот во Лас Палмас на Канарските Острови – објект подобро опремен за одржување на моторот и безбедносни проверки.
И покрај ужасниот инцидент, летот на Scandinavian Airlines на крајот безбедно слета на аеродромот во Лас Палмас и сите 90 патници се симнаа неповредени.
