ВИДЕО | “НИКОГАШ НЕМА ДА ПОТПИШАМ НЕЗАВИСНО КОСОВО!“ – Александар Вучиќ се брани од нападите и тврди дека тоа е само “ноторна лага“
Претседателот на Србија, Александар Вучиќ, објави видео-порака на својот профил на социјалната мрежа Инстаграм и испрати порака до граѓаните на Србија.
„Драги луѓе, почитувани граѓани, во секоја изборна кампања слушате секакви работи, слушате сè. Добар дел се невистини и лаги, но како претседател на Републиката морам да реагирам на она што не ме засега, не тоа што се однесува на блокот политички партии што јас лично ги поддржувам, туку се однесува на државата и основните постулати на кои почива нашата земја. Имено, како што кажаа во минатата кампања дека не сме против санкции кон Русија, и дека јас лично ќе ги воведам на 3. април, а по изборите не го направив тоа, а тие се уште се залагаат за санкции кон Русите. Сега измислија дека сум подготвен да потпишам независност на Косово, само ако се одржат изборите. Сакам вие, луѓе на Србија, да знаете дека ова е ноторна лага. И како чесен човек, но не само тоа, туку и како човек кој го почитува Уставот на својата земја, законите на својата земја и кој го сака својот народ на Косово и Метохија повеќе од се и кој секогаш ќе се држи до законот и писмото на заклетвата поставена на Мирославовото евангелие, сакам да ви кажам дека тоа е ноторна лага. Со лаги не можат да ја срушат Србија и затоа сум сигурен дека работата и резултатите секогаш ќе победуваат“, вели Александар Вучиќ во видео-пораката.
„Никогаш нема да ја потпишам независноста на Косово, и по чест на сите оние на српската политичка сцена кои кажуваат такви лаги“, нагласи претседателот на Србија.
