ВИДЕО | ПЕКОЛНА СЕМЕЈНА ДРАМА – Камерата снимила страшни сцени: Го убил братот пред врата, му ја запалил куќата, а потоа почнал да пука во полицијата
Ѕвонче со вградена камера го снимила вознемирувачкиот момент кога маж пукал и го убил својот брат во неговиот дом во Јута, САД, пред да биде убиен во престрелка со полицијата, пишуваат американските медиуми.
На видеото се гледа Џефри Робертс (66 г.) од Лонг Бич, Калифорнија, како ѕвони на вратата на својот брат во Северен Огден, Јута, околу 19 часот по локално време во четврток. Полицијата соопштила дека Скот Робертс и неговата сопруга Џоди имале вечера кога Џефри пристигнал во нивниот дом.
На видеото, двајцата мажи се слушаат како разговараат на влезната врата пред домот кога одеднаш Џефри Робертс извадил пиштол од дуксерот и да почнал да пука. Потоа се слушаат уште неколку истрели и викање откако влегол во куќата. Скот Робертс бил убиен на местото на настанот, а Џоди била повредена.
Во видеото се гледа и разговор меѓу полицијата и вознемирениот сосед кој го пријавил пукањето.
На видеото се гледа како Џефри Робертс ја напушта куќата, а потоа се враќа на местото видно изморен со пушка во рацете и торба, ја запалил куќата, а на видеото се слуша алармот за пожар.
„Прелиминарната истрага покажува дека Џефри Робертс почнал да пука во полицијата кога пристигнала на местото на настанот. Тоа не било снимено од камерата на ѕвончето“, се наведува во текстуалниот дел на видеото објавено од New York Post.
Тројцата полицајци возвратиле. На видео-снимката од камерата на градите на полицаец се гледа како Џефри паѓа по скалите откако го погодиле куршуми. Пламенот можел да се види низ прозорецот на првиот кат додека полицијата се приближува до куќата.
Видео-снимката од камерата од ѕвончето ја покажува и конфронтацијата.
Истрагата открила дека Џефри бил вооружен со пиштол калибар 9 милиметри и имал 23 целосно наполнети чаури. Имал и пушка со калибар 12 и повеќе од 150 куршуми.
Мотивот на Џефри останал нејасен, но ќерката на Скот и Џоди, Келси Тарнер, објавила за семејниот раскол на платформата GoFundMe, формирана за да го поддржи закрепнувањето на нејзината мајка.
„Во куќата на моите родители се појави отуѓениот брат на тато. Го уби татко ми и ја запали куќата. Мајка ми е жива затоа што татко ми се тепаше со вујко ми и ѝ кажа да бега. Да се знае дека татко ми умре како херој ни носи мала утеха“, напишала Келси Тарнер, додавајќи дека две од нивните семејни кучиња загинале во пожарот.
