ВИДЕО | РУСКА ИНВАЗИЈА НА РУСИЈА !? Окупирани неколку села околу Белгород, луѓето во паника, голем хаос во Москва: “Ова се нацисти и клошари!“ – што се слулува !?

Што се случува во руската област Белгород на самата граница со Украина ? Доста се зборува и пишува за тоа што се случува таму. 

Имено, Руската Легија на слободата за Русија, на својот профил на социјалната мрежа Телеграм објави дека заедно со единиците на рускиот доброволен корпус – „целосно го ослободиле селото Козинка“ во областа Белгород и дека – „одат понатаму, до целосно ослободување на Русија“. 

Министерството за одбрана на Русија најпрвин претежно молчеше за какви било значајни борби на тој простор, особено внатре во Русија, за сега да соопшти дека „уништиле 70 украински диверзанти“, а било соопштено дека за време на евакуацијата загинала една старица, но не е јасно дали е убиен во битка.

Некои руски режимски медиуми наведуваат дека имало пукање во граничната област Граиворонск и дека „во борбите учествувале тенк Т-72 и неколку оклопни возила“. Но, како и да е, во регионот на Белгород беше воведена вонредна состојба и беше започнат „режим за антитерористичка операција“, што може да го нареди само првиот човек на ФСБ, Александар Бортников. Значи, очигледно е дека „нешто не е во ред“.

Гувернерот на Белгород, Вјачеслав Гладков, кажа дека – „диверзантска група на украинската Армија ја нападнала областа“, а портпаролот на Кремљ, Дмитриј Песков кажа дека ништо страшно не се случило, но дека „Киев сака да привлече внимание по загубата на Бахмут“. Во исто време, претставникот на Главната разузнавачка управа на Министерството за одбрана на Украина, Ондриј Јусов вели, како што пренесуваат странските медиуми, дека Украина нема никаква врска со овие напади и потврди дека тоа е „дело“ на борци на Легијата на слободата за Русија и рускиот волонтерски корпус.

Двете единици се основани во средината на 2022 година. Во август 2022 година, меѓу Националната републиканска Армија и Слобода за Русија, т.н Ирпињска декларација, (Ирпињ е гратче во близина на Киев) со која нивното „политичко крило“ е претставено од Иља Пономарјов, поранешен претставник на пропутинската партија Само Русија во руската Дума (единствениот кој гласаше против анексијата на Крим во 2014 година), кој потоа беше изложен на голем медиумски и политички линч и затоа беше принуден да избега од Русија, најпрвин во САД (таму остана две години), а потоа во Украина, каде што политички се активира, а во меѓувреме доби и украинско државјанство. Во декларацијата се наведува дека целта на нивната борба е „режимот и диктатурата на Владимир Путин“ и дека се борат за „слободна и демократска Русија“. Во Москва со години бараат екстрадиција на Илја Пономарјов поради наводни финансиски малверзации.

Прорежимските руски медиуми, како порталот Life.ru, известуваат за овие две воени единици, претставувајќи ги како „нацисти, ултрадесничари и клошари“ и минимизирајќи го нивниот број (наводно немаат повеќе од 80 членови), а тие ги води, како што велат, рускиот неонацист Денис Капустин. Медиумите кои го поддржуваат Кремљ наведуваат дека се работи главно за „манекени“, чие воено искуство е во „студиа каде што снимаат лажни воени видеа“. Сепак, руското Министерство за правда ги нарече двете организации „терористички“ и им „забрани да дејствуваат во Русија“, а се наведува дека неколку нивни членови се осудени за велепредавство. Украинските медиуми, пак, наведуваат дека во овие единици има главно руски државјани, Руси од Украина.

Руските медиуми тврдат дека двете единици се дуо на „украинските вооружени сили“, Киев тоа го негира, а некои аналитичари зборуваат за „повремена координација“. Инаку, рускиот волонтерски корпус веќе извести дека извршиле диверзии во областа Брјанско во март и април, но никој немал сигурни информации за тоа. Да потсетиме, во Украина се борат и чеченските и белоруските доброволни единици.