ВИДЕО | СЛАВЈЕ ВО ИЗРАЕЛ !? Портпаролот на ИДФ и соопшти добра вест на нацијата од Појасот Газа

Сè поголем број оперативци на Хамас се предаваат во Појасот Газа, соопшти портпаролот на Израелските одбранбени сили (ИДФ), адмиралот Даниел Хагари. 

„Нашите трупи истовремено оперираат во срцето на центрите на гравитација на Хамас на југот и северот на Појасот Газа, во Џабалија, Шеџаја и во областа Кан Јунис“, изјави Даниел Хагари, пренесува Times of Israel.

Тој додаде дека многу членови на Хамас кои се кријат под земја ги загубиле животите во жестоките борби, но и дека многумина се предале и се приклучиле на израелската страна. Според Даниел Хагари, во последните 48 часа, ИДФ уапсила повеќе од 200 осомничени во Појасот Газа.

„Десетици од нив беа предадени на сослушување од Единицата 504 на воената разузнавачка управа и Шин Бет во Израел, вклучувајќи команданти на Хамас и оперативци на Нукба“, тврди Даниел Хагари.

Според израелските власти, Палестинците вчера им се предале на ИДФ и во областа Џабалија во северниот дел на Појасот Газа.