ВИДЕО | Сојузникот на Путин го навреди германскиот министер и се закани дека ќе го запали Берлин
Владимир Соловјов, руски пропагандист и верен сојузник на рускиот претседател Владимир Путин, ја навреди германската министерка Аналена Баербок за нејзината ветена помош за Украина.
Соловјов е водител на политичка програма на каналот Русија-1 под контрола на Кремљ и е познат по своите контроверзни коментари. Откако Германија се појави како еден од најголемите поддржувачи на Киев во војната што ја започна Путин во февруари 2022 година, Соловјов ја направи Германија честа цел на неговите вербални напади.
Тој отиде дотаму што сугерираше дека Русија наскоро би можела да ја освои Германија.
Советникот на украинскиот министер за внатрешни работи Антон Гершченко на Твитер објави видео на кое Соловјов ја напаѓа германската министерка за надворешни работи Аналена Баербок.
„Ќе видите како поради вашата гнила глупост, Аналена Баербок, Берлин ќе изгори и ќе има победничко знаме над зградата на Рајхстагот! – изјави Соловјов.
Неговата критика дојде откако Баербок во понеделникот рече дека Германија не само што ќе продолжи да обезбедува помош за Украина во текот на зимата, туку дека Берлин ќе ја зголеми својата поддршка во текот на следната година.
