ВИДЕО | СТРАШНИ СНИМКИ ОД ИЗРАЕЛ – Цивилите се кријат во грмушки додека Хамас го започнува масакарот на фестивалот – се снимаат проштални пораки: “Си реков дека ќе умрам овде…“

На социјалните мрежи се појавуваат застрашувачки видео-снимки од моментот кога преплашените израелски посетители на фестивалот биле принудени да се сокријат во грмушки за да избегаат од „дожд од куршуми“ милитантите на организацијата Хамас во масакрот во кој загинаа околу 260 цивили.

Оние кои го преживеаја нападот објавија застрашувачки видео-снимки на социјалните мрежи, покажувајќи како биле принудени да се кријат под грмушки и да снимаат проштални пораки до своите најблиски додека ги гледале жртвите како умираат една по една, пишува Daily Mail.

Многумина останале сокриени во грмушките во страв повеќе од пет часа пред да го слушнат звукот на вооружените спасувачи кои зборуваат на хебрејски.

Да потсетиме, дека палестинската милитантна група Хамас го нападна фестивалот „Супернова“, кој се одржа во близина на Кибуц Реим во близина на Појасот Газа. Забавата се одвивала цела ноќ до 06:30 часот наутро, кога се слушнала сирена која предупредува на ракети.

Посетителите на фестивалот знаеле дека постои ризик од ракетни напади, но не очекувале камиони полни со вооружени напаѓачи кои ја прекинале струјата на фестивалот и „случајно“ го нападнале пукајќи во насобраната толпа.

Застрашувачките видео-снимки покажуваат невини цивили како врескаат за време на пукањето, додека полицијата се обидува да им помогне на луѓето да се евакуираат. Се слушнаа како велат „Оди, оди!“ додека цивилите се држат рака за рака и бегаат од камионите кои наидувале кои ги следеле и ги опсипувале со куршуми.

Спасувачката служба Зака ​​пронашла најмалку 260 тела по тој напад. Труповите на младите луѓе биле видени наредени еден врз друг во импровизирани шатори додека работниците за итна помош се обидуваат да ги идентификуваат.

Утрово се појави уште едно застрашувачко видео, на кое вооружени лица убиваат цивили додека лежеле во песокот, а потоа „оперираат“ по нивните џебови и земаат торби од нивните автомобили.

Израелскиот татко Марк Перец (50 г.) притрчал на местото на настанот додека се одвивал ужасот со надеж дека ќе ја спаси својата 20-годишна ќерка Маја, која била меѓу исчезнатите. Таа била со група од 12 луѓе кога со автомобил успеала да избега од фестивалот, но подоцна биле принудени да го напуштат возилото.

Марк Перец знаел дека е во опасност кога отишол да ја земе ќерка си. Тој бил на телефон со семејството кога одекнале истрели, а повикот потоа бил прекинат. Подоцна никој не можел да се слушне со Марк Перец, а пријателите на неговиот син, сите поранешни војници, започнале да го бараат. Му го пронашле автомобилот, но не и него.

Работникот на итната помош, кој веднаш дошол на местото на настанот, изјавил дека видел најмалку 200 тела на Израелци.

„Тоа беше масакр. Никогаш не сум видел такво нешто во мојот живот. Тоа беше планирана заседа. Додека луѓето заминуваа преку излезот за итни случаи, терористите ги чекаа таму и почнаа да ги киднапираат“, вели тој.

Човек по име Гили Јоскович бил меѓу оние кои се криеле во грмушките. Три часа се криел под овошно дрво во нива која се тресела додека наоколу летале куршуми.

„Одеа дрво по дрво и пукаа насекаде од две страни. Дишев и си велев дека ќе умрам и дека треба само да дишам и да ги затворам очите…“, рекол тој, пренесува Daily Mail.