ВИДЕО | УЖАСНА НЕСРЕЌА ВО ИТАЛИЈА – Воен авион паднал брз автомобил и усмртил 5-годишно девојче, а пилотот во последен момент успеал да се спаси

Италијански воен авион се урна за време на вежби во Торино, кога паднал врз автомобил и усмртил 5-годишно девојче, додека пилотот преживеал, објавија во саботата италијанските медиуми.

Италијанската медиумска агенција AGI јави дека 9-годишниот брат на загинатото девојче е тешко повреден, додека родителите и пилотот не се во животна опасност.

Сите повредени се со изгореници од различен степен и се пренесени во болница.

Италијанските медиуми јавуваат дека воен авион се урнал за време на полетувањето од аеродромот „Казел“ во Торино за време на вежби за одбележување на 100-годишнината од воздухопловните сили во недела, а снимката од ужасната несреќа можете да ја погледнете ОВДЕ.

Авионот полетувал кога, можеби поради јато птици, наеднаш паднал. Пилотот успеал да се катапултира пред падот. Според првичните извештаи, тој не е повреден, но бил во шок.

Како што објави специјализираната веб-страница The Avionist, се работи за авион MB-339A/PAN MLU. Ова е воен млазен тренер и авион за лесен напад дизајниран и произведен од италијанската воздухопловна компанија Aermacchi. Тој беше развиен во текот на 70-тите години како одговор на барањето на италијанското воздухопловство кое бараше замена за постојната флота Aermacchi MB-326. Првиот лет на MB-339A/PAN MLU се одржа на 12. август 1976 година, а првите сериски авиони беа испорачани две години подоцна.