ВМРО: Филипче треба да се испита за онкологија!
ВМРО ДПМНЕ бара лидерот на СДСМ, Венко Филипче, да ја преземе одговорноста за случајот со онкологија. Според партијата на Мицкоски, на тешко болните пациенти со рак им биле давани физиолошки раствори наместо лекови. Од Вмро велат дека Филипче молчешкум ја признава вината.
„Токму затоа што најголемите корупциски и криминални скандали се случуваат за време на неговиот мандат, Филипче мора да одговори дали стои зад најновиот судски случај во Онкологија, каде што од државниот буџет беа исцедени 2,2 милијарди денари или 35 милиони евра? Додека Филипче молчи, уште еднаш го повикуваме Јавното обвинителство да ја истражи неговата улога во случајот Онкологија“, велат од ВМРО-ДПМНЕ.
Но, лидерот на СДСМ, Венко Филипче, кога денес беше прашан од новинарите, се огласи, отфрлајќи ги тврдењата на ВМРО. Филипче рече дека не се чувствува виновен.
„Не чувствувам апсолутно никаква вина! Добро е што има процес, обвинувањата излегоа за да се започне правен процес. Добро е да се знае вистината. Прво, да почекаме и да видиме што ќе покаже правниот процес. Излезе на виделина лажна кампања што ја организираше ВМРО-ДПМНЕ против мене лично преку Истражната комисија, која содржеше лаги и клевети, тврдејќи дека јас, во моите надлежности како министер за здравство, не сум извршувал одредени задачи. Исто така, покажав документи во јавноста дека не е така“, изјави Венко Филипче – поранешен министер за здравство.
