Водовод со апел до граѓаните рационално да ја користат водата за пиење за да нема рестрикции

Во моментов системот е стабилен, но максимално оптеретен со технички напори за секаде да има стабилно водоснабдување во главниот град. Зголемена потрошувачка на вода последниве денови се бележи на територија на општина Сопиште, во општините Гази Баба и Бутел, дел од општина Карпош поточно Бардовци и дел од Ѓорче Петров каде што се претежно куќи.

Според податоците на ЈП Водовод и канализација – Скопје дневното производство на вода надминува 340 000 метри кубни вода, што е апсолутен рекорд, за 30 проценти зголемување во однос на зимскиот период.

ПОТРОШУВАЧКАТА Е ВИДЛИВО ЗГОЛЕМЕНА ВО ОНИЕ МЕСТА КАДЕ ШТО ИМАМЕ ИНДИВИДУАЛНИ КУЌИ, ЗАРАДИ ТОА ШТО ЛУЃЕТО НЕРАЦИОНАЛНО ЈА КОРИСТАТ. ПОКРАЈ ПОТРЕБАТА ВО ДОМАЌИНСТВО ШТО Е НОРМАЛНА ПОТРЕБА ЗА КОРИСТЕЊЕ НА ВОДА, ЈА КОРИСТАТ ЗА РАЗЛАДУВАЊЕ, ЗА ПОЛЕВАЊЕ НА ДВОРОВИ, ПОЛНЕЊЕ БАЗЕНИ И НЕРАЦИОНАЛНОТО КОРИСТЕЊЕ И ТОА ДОВЕДУВА ДО ЕНОРМНО ЗГОЛЕМУВАЊЕ НА ПОТРОШУВАЧКАТА НА ВОДА И ТОА ОСОБЕНО ВО ПОПЛАДНЕВНИТЕ И ВЕЧЕРНИТЕ ЧАСОВИ, КОГА СЕ ПОЛЕВААТ ТРЕВНИТЕ ПОВРШИНИМ ИЗЈАВА ДЕЈАН ДИМОВСКИ, СЕКТОР ЗА ЕКСПЛОАТАЦИЈА И ОДРЖУВАЊЕ НА КАПАЦИТЕТИ.

Се уште нема делови од градот каде што подолг временски период нема вода, вели Димовски. Сепак и покрај тоа што системот е стабилен, доколку во иднина се продолжи со нерационално трошење на водата можно е да се доведеме и во ситуација да има рестрикции.