(Вознемирувачко видео) Млад бразилски пејач почина на сцена за време на настап, снимки се шират на интернет

Младиот бразилски пејач Педро Хенрике почина за време на настап во градот Феира де Сантана.

Госпел пејачот Педро Хенрике почина на 30-годишна возраст, откако колабирал на сцената за време на неговиот настап, пишува Дејли Мејл.

Тој настапи на верски настан во бразилскиот град Феира де Сантана и додека ја изведуваше песната “Vai ser Tao Lindo” тој само колабирал и починал на лице место додека публиката гледала шокирана.

Снимката од вознемирувачкиот момент се прошири низ социјалните мрежи.

Членовите на бендот веднаш се обиделе да му помогнат, а Хенрике потоа бил пренесен во најблиската болница, каде само била констатирана смрт.

Неговата издавачка куќа потврди дека причина за смртта е срцев удар.

„Ова се тешки животни ситуации за кои нема објаснување. Мораме да разбереме дека Божјата волја е посилна од нашата“, велат од дискографската куќа.

Локалните медиуми јавуваат дека тој се пожалил на замор пред настапот.

Педро зад себе ги остави сопругата Суилан Барето и едномесечната ќерка Зои.