Во автомобилот кој вечерва излета во Вардар имало неколку лица – ова се првите информации за нивната состојба
Тешка сообраќајна несреќа се случи синоќа во тетовското село Челопек, каде автомобил излета од патот и заврши во реката Вардар што минува покрај селото.
Според очевидци, автомобилот изгубил контрола на кривина и паднал во реката со неколку луѓе внатре. Веднаш по несреќата жителите ги известиле итните служби.
На местото на настанот брзо пристигнале екипи на брза помош и спасување и успеале да ги извлечат сите инволвирани лица од автомобилот.
За среќа, според првите информации лицата се здобиле со полесни повреди и се испратени на лекарска помош во Клиничката болница Тетово.
Полицијата излегла на местото на настанот и започнала увид.