Во документите од случајот Епштајн се споменува и Мис Југославија: „Беше во неговата куќа“

Стотици страници судски документи вклучуваат бројни имиња на жртви, пријатели и соработници на Џефри Епштајн.

Објавен е третиот круг документи од тужбата поврзана со Џефри Епштајн , осудениот педофил кој почина во затвор пред да се соочи со обвиненијата за сексуална трговија. Објавувањето доаѓа откако стотици страници документи веќе беа објавени во два наврати, а се очекуваше повеќе.

Стотици страници судски документи вклучуваат бројни имиња на жртви, пријатели и соработници на Џефри Епштајн и неговата соработничка Гислајн Максвел. Но, кога станува збор за синџирот на трговија со луѓе и подведување млади девојки за секс забави, во документите се споменува и – Југославија, поточно неименуваната Мис Југославија.

Како одговор на прашањата од истражителите за тоа кој останал на имотот на Епштајн Палм Бич, Флорида, Хуан П. Алеси , кој бил вработен кај Епштајн од јануари 1991 до декември 2002 година, рече: „Ги наведов принцот Ендру, Сара Фергусон , Мис Југославија. Мис Германија, Алан Дершовиц , секретарката на принцезата Дијана со нејзините деца, г-дин Трамп , г-дин Роберт Кенеди Џуниор и неколку добитници на Нобелова награда“.

Сепак, се чини дека поимот Југославија е доста широк за странците, па од некои сведоштва може да се заклучи дека меѓу сведоците биле вклучени Чешка или Словачка под Југославија. На пример, девојката на Епштајн, Надија Марчинко, се сметаше за Југословенка иако е Словакиња.