Во Зоолошката градина во Скопје се родија три нови мајмуни

Зоолошката градина Скопје соопштува дека се родија три нови мајмуни.

Според соопштението, станува збор за брзи мајмуни, кои трчаат до 55 километри на час.

,,Има нови членови меѓу најбрзите мајмуни во светот кои трчаат до 55 километри на час. Имаме три нови бебиња во семејството Патаси. Овој тип мајмуни потекнува од африканскиот континент и живее во поголеми групи“, велат од Зоолошката градина во Скопје.