Во пункт за издавање лични документи без термин во Скопје, ќе се опслужуваат илјада лица дневно

Министерот за внатрешни работи Оливер Спасовски најави дека од денеска ќе почне со работа пунктот за издавање лични документи без рок.

Пунктот на Министерството за внатрешни работи се наоѓа во холот на сообраќајната полиција во рамките на Полициската станица „Пролет“ во општина Кисела Вода.

„Системот е тестиран и овозможува повеќе од 1.000 луѓе да ја поминат целата процедура во еден работен ден. Сакам да истакнам дека работното време на пунктот е од 8 до 18 часот, со можност да продолжи до 20 часот“, нагласи Спасовски.