Во Русија е уапсен јужнокорејски државјанин под обвинение за шпионажа

– Во Русија денеска е приведен државјанин на Јужна Кореја под обвинение за шпионажа.

Кореецот Парк Вон-Сун бил уапсен во Владивосток на далечниот исток на земјата, по што бил префрлен во Москва за да биде испитан.

Русија ја смета Јужна Кореја за „непријателска земја“ поради поддршката на Сеул за западните санкции против Москва поради војната во Украина.

Во исто време, Русија одржува блиски односи со Северна Кореја, за која САД тврдат дека ја снабдува Москва со муниција.

Северна Кореја и Русија го негираа ова, иако се согласија да ја зајакнат воената соработка.