Вучевиќ: СНС утре ќе дојде на консултации кај Вучиќ со неколку имиња за мандатарот на новата влада

Српскиот премиер во оставка и лидер на Српската напредна партија Милош Вучевиќ изјави дека партијата во четврток до претседалелот на Србија, Алекснадар Вучиќ ќе предложи формирање на Нова влада со неколку кандидати за мандатар.

Вучевиќ за телевизијата К1 изјави дека на консултациите ќе учествува делегација од осум члена, пет од СНС и тројца претставници на коалициските партнери.

„Нашиот став е дека треба да одиме на избор на нова влада, да вложиме дополнителни напори за да се избере нова влада до 18 април. Тоа треба да се направи и порано, бидејќи новиот претставник треба да изврши консултации за составот на новиот кабинет, а потоа тоа мора да биде потврдено од партиските власти. Утре ќе одиме на консултации со предлог за формирање нова влада и ќе дојдеме со неколку преставници за името на мандатарот“.

Тој посочи дека ќе дојдат да го слушнат претседателот и да го видат концептот на новата влада, бидејќи, како што наведе, не се работи само за техничко-технолошки процес и не се работи само за рокови, туку што е суштината на таа влада и што треба да направи во наредниот период.

„Мислам дека ќе има големи промени во владата и не само на позицијата премиер – и во владата и во длабочина, од државни секретари до директори на јавни претпријатија. Мислам дека ќе има големи изненадувања, можеби ќе има големо изненадување околу мандатарот“, рече Вучевиќ.

Тој рече дека смета дека во новата влада треба да има многу нови луѓе.

„Со мојата оставка, имајќи ги предвид сите околности во кои се наоѓаме пет месеци, потребни се длабоки промени за да се обидеме да дојдеме до социјален дијалог. Тоа би бил еден од заклучоците на она што мора да го направи владата“, додаде Вучевиќ.

Тој оцени дека помал кабинет може да биде поефикасен и пооперативен.

Вучевиќ објасни дека претставникот го избира својот тим, но дека тоа не го прави сам, туку во разговор со партијата, коалициските партнери и претседателот.

„Мора да прифатите некои компромисни решенија, бидејќи коалициските партнери и некои луѓе во партијата имаат свои ставови“, додаде тој.

Вучевиќ рече дека и да не постоела ваква ситуација во државата, ќе имало реконструкција на владата.

„Тоа би било правилно во овој период. Наближувајќи се на годишнината од изборот на владата на 2 мај, ќе одиме на реконструкција, длабока и голема. Не е секогаш прашање за лично решение, треба да се инсистира на реконструкција и на политиката“, посочи Вучевиќ.

Вучевиќ поднесе оставка од премиерската функција на 28 јануари среде блокадите и протестите во Србија иницирани по смртта на 16 лица во падот на настрешницата на Железничката станица во Нови Сад на 1 ноември минатата година. 

Српскиот парламент ја потврди оставката на премиерот на 19 март, по што започна рокот од 30 дена за формирање на нова влада.