Вучиќ не се воздржува: Европратениците се болни и патолошки лажговци

Српскиот претседател Александар Вучиќ неодамна ги нарече членовите на Европскиот парламент лажговци и болни, а сега процени дека Србија би можела да се приклучи на Европската унија до 2030 година, иако како земја-кандидат не постигнала никаков напредок во европските интеграции.

Австриската национална новинска агенција, АПА, пишува дека Вучиќ вечерта на 23 октомври, на провладината телевизија Пинк, се пожалил дека против неговата земја долго време се води „сериозна хибридна војна“.

Вучиќ „не објасни јасно што мисли под ова“, но веројатно се осврнува на студентските и граѓанските протести низ целата земја, кои траат речиси една година, „бидејќи зборуваше за повеќе од 25.000 криминални, нерегистрирани и нелегални собири“, објавува nova.rs.

АПА пишува дека притисоците врз Србија, за кои Вучиќ рече дека „доаѓаат од различни насоки“, веројатно вклучуваат и санкции на САД против Нафтената индустрија на Србија (НИС), која е подружница на руската компанија Газпром.

Сепак, „Вучиќ, кој кон средината на оваа недела ги нарече членовите на Европскиот парламент „патолошки лажговци“ и „сериозно болни“ поради новата резолуција за Србија, сега процени дека постои можност Србија да се приклучи до 2030 година“.

„Во исто време, оваа земја-кандидат за членство во ЕУ (Србија) со години не постигна никаков напредок во приближувањето кон ЕУ“, заклучува АПА.

Serbia’s autocrat Vucic says Members of the European Parliament are “wickedly sick” and “pathological liars.” https://t.co/ljwDE9Lkpy pic.twitter.com/Orboqt2Xkq

— Admirim (@admirim) October 23, 2025