Генерацијата Z се оддалечува од X и Facebook: Овие 2 платформи стануваат нивна платформа на избор (фото)

Додека платформите како TikTok и WhatsApp се во пораст, X и Facebook забележаа постојан пад кај помладата популација. Ова одразува поширока промена во дигиталното однесување на тинејџерите.

Истражувањето опфатило речиси 1.400 тинејџери на возраст од 13 до 17 години и било спроведено во периодот од септември до октомври. Резултатите покажаа дека речиси половина од испитаниците се постојано онлајн, што е значително зголемување во однос на претходната деценија, кога тој број беше само четвртина. Згора на тоа, дури 96% од тинејџерите користат интернет дневно, додека 95% поседуваат паметен телефон и 88% имаат компјутер дома.

YouTube останува најпопуларната платформа меѓу тинејџерите, но бележи пад на корисниците – од 95% во 2022 година на 90% денес. TikTok е рангирана како втора најпопуларна апликација, со 63% од тинејџерите кои ја користат, додека Instagram е на третото место со 61%. Snapchat е на четвртото место со 55% од корисниците.

Интересно е тоа што TikTok привлекува повеќе тинејџерки кои го користат речиси постојано, додека YouTube е попопуларен меѓу машките тинејџери. Иако TikTok моментално доминира, неговиот статус во САД е доведен во прашање – судска одлука наложува дека апликацијата мора да се продаде на новите сопственици до јануари или ќе биде забранета.

Мета платформите забележаа мешани резултати. Фејсбук, некогаш доминантен меѓу младите со 71% корисници во 2014-2015 година, денес го користат само 32% од тинејџерите, без промени во последните две години. Од друга страна, WhatsApp бележи раст – од 17% во 2022 година на 23% денес, што го прави единствената платформа која ги зголеми своите корисници. Големите групни пораки и приватната комуникација стануваат се попривлечна форма на дигитална интеракција.

Х (поранешен Твитер) продолжува со својот пад кај тинејџерите, со само 17% корисници, што е пад од 5% во последните две години. Reddit го користат само 14% од тинејџерите, додека Threads, лансиран минатата година, има низок резултат од само 6%.

Зголеменото присуство на интернет е причина за загриженост. Речиси половина од тинејџерите се онлајн „речиси постојано“, со што се поставува прашањето за влијанието врз менталното здравје и социјалните односи. Некои земји, како Австралија, веќе преземаат чекори – ја забранија употребата на социјалните мрежи од страна на лица помлади од 16 години.