Герасимовски: Свечено ја отворивме Лига Центар, доделивме 41 стипендија на младите спортски надежи

Градоначалникот на општина Центар, Горан Герасимовски на неговиот Фејсбук профил објави дека свечено е отворена Лига Центар 2024/2025 во ООУ„11 Октомври“ и на тој начин се овозможуваат континуирани натпревари и спортски успеси во текот на целата учебна година.

„Нашите ученици од сите основни училишта во Општина Центар ќе имаат можност да се натпреваруваат во кошарка, ракомет, фудбал, одбојка и шах. Во чест на роденденот на Општината, доделивме и 41 стипендија за младите спортисти како поддршка за нивниот развој. На сите учесници на Лига Центар им посакувам многу успех и добри резултати“, напиша Герасимовски.