Германија се свртува кон Казахстан

Казахстан богат со нафта е најважниот партнер на Германија во Централна Азија. Канцеларот Олаф Шолц изјави во Астана дека сака да „направи се“ за да ги подобри економските односи.

Конкретно, на средбата со казахстанскиот претседател Касим-Жомарт Токаев, тој ја истакна „постојана, прецизна и континуирана соработка“ во областа на суровините.

Со удел од 11,7 отсто, Казахстан е трет најголем снабдувач на нафта во Германија, по Норвешка и САД, а делумно го компензира недостатокот на руски испораки по нападот на Украина, пренесува ДПА.

Германија и Казахстан се договорија да ја зголемат понудата од 100.000 тони сурова нафта месечно.

За време на посетата беа потпишани договори за соработка меѓу Народната банка на Казахстан и Бундесбанката, како и формирање на Институт за наука и технологија при Германско-казахстанскиот универзитет во Алмати и германски училишта.

Благодарение на трговијата со своите важни соседи, Русија и Кина, Казахстан со години бележи натпросечен економски раст.

Во неделата, за време на тридневната посета на Централна Азија, Шолц потпиша билатерален договор за миграција со Узбекистан.

Договорот ќе го олесни доаѓањето на квалификувани работници од Узбекистан во Германија, особено во секторот за нега и здравје.

Исто така, ќе се забрза репатријацијата на Узбеците кои престојуваат во Германија без дозвола.