Германската полиција со детали за нападот со нож: Уапсивме 15- годишник

Шефот на полицијата рече дека полицајците не веруваат дека некој друг бил вмешан во нападот, одговарајќи на прашање за шпекулациите на социјалните мрежи дека имало повеќе напаѓачи.

Тој апелирал до јавноста за повеќе информации и ги повика луѓето да не шпекулираат или споделуваат информации на социјалните мрежи.

Полицијата соопшти дека пронашле повеќе ножеви во областа, но сè уште не знаеле кој, доколку ги има, бил употребен во нападот.

Германските медиуми претходно објавија дека оружјето било пронајдено во контејнер во центарот на Солинген.

Синоќешниот дежурен началник на полицијата сега вели дека мислите на сите се со оние кои ги загубија животите и оние кои настрадаа како резултат на овој грозоморен напад.

Тој вели дека синоќа околу 21:40 часот по локално време добиле повеќе повици за машки напаѓач кој ги напаѓа луѓето на фестивалот.

Нападот се случил во Фронхоф, додаде тој.

Ангажирани се голем број полицајци, вели тој, додавајќи дека и локалните и федералните полициски сили учествуваат во тековната операција за пребарување.

Германскиот обвинител рече дека се уште се обидуваат да го утврдат мотивот, но не можат да исклучат тероризам.

Полицијата ги повика луѓето да избегнуваат шпекулации за нападот и побара од луѓето со докази да ги достават преку официјалната линија за помош наместо да ги објавуваат на социјалните мрежи.

Шефот на полицијата Маркус Рорл во својот вовед рече дека вчерашниот фестивал на 650-годишнината на Солинген требаше да биде среќен настан, но наместо тоа стана ужасно тажен.

На прес-конференцијата не се појави градоначалникот на Солинген, Тим Курцбах.Полицијата соопшти дека во врска со случајот уапсила 15-годишно момче.

Загинаа три лица, двајца мажи на 67 и 57 години и една жена на 56 години.

Германските медиуми објавија дека оружјето, односно ножот, со кој се сомнева дека е извршен нападот, е пронајдено во корпа за отпадоци во центарот на Солинген.