Германскиот милијардер предупредува: Арапите зазедоа делови од градовите, ги спроведуваат нивните закони и никој не сака да признае дека сè тргна наопаку

Познатиот германски бизнисмен Хасо Платнер наведува дека интеграцијата на мигрантите во Германија тргнала наопаку.

– Арапите зазедоа цели делови од градовите – изјави Платнер за NZZ.

Платнер, кој неодамна наполни 80 години, ја основа компанијата SAP, која е еден од најголемите светски производители на софтвери.

– Фактот што цели делови од градовите очигледно се преземени од Арапи, кои таму ја практикуваат својата етика и разбирање на законот, не е добро – рече Платнер.

Познатиот претприемач смета дека не е популарно да се каже дека нешто тргнало наопаку.

-Интеграцијата тргна наопаку, образованието, училишната политика… Но, никој не сака да каже: „Да, тргна наопаку, сега треба да го промениме“. Затоа што тоа не е популарно да се каже – изјави Платнер.

Мултимилијардерот го призна подемот на AfD во интервју за NZZ.

INTERVIEW – «In Deutschland haben wir die Selbstzweifel entwickelt bis zum Selbstzerstörerischen», sagt der SAP-Mitgründer Hasso Plattner https://t.co/IbMEJVQ7ek via @NZZ

— Sascha „jeton paraşütle düşüyor“ Stoltenow (@BendlerBlogger) January 30, 2024

– Тоа многу ме загрижува – изјави Платнер.

Тој не го крие стравот дека во екот на кризата уделот на гласачите на AfD може „лесно“ да надмине 50 отсто.

– Тогаш ни 75 години демократија не помага многу. Тоа можеме да го видиме во САД – рече Платнер.

Во исто време тој се изјасни против забраната на AfD.

– Тоа само би ги зајакнало бидејќи има силна група на население што е многу блиску до идеите на АfD – смета Платнер.