Германците ги отворија џебовите: Планираат да купат 2.500 оклопни транспортери и 1.000 тенкови за 25 милијарди евра

Планот за набавки претставува зајакнување на капацитетот на германската армија, а воедно и зголемување на производствениот капацитет на германските компании, што треба да ги направи цените на оклопните возила поприфатливи за другите земји.

Конечните цени и количини сè уште се предмет на преговори, а проектираните трошоци би можеле да паднат под 25 милијарди евра во зависност од роковите за набавка и договорните услови.

Тенковите „Леопард 2“ ги произведуваат германските компании KNDSS Deutschland и Rheinmetall, додека тенковите „Боксер“ ги произведува ARTEC, заедничко вложување на истите компании.

Германскиот министер за одбрана Борис Писториус и високи функционери на Бундесверот ги разгледуваат плановите, а одобрението од законодавната власт се очекува до крајот на годината.

Бундесверот моментално има околу 310 тенкови Леопард 2 од различни варијанти (вклучувајќи ги Леопард 2A6 и 2A7V), од кои околу 250 се во активна служба.

За пешадиски борбени возила, германската армија користи Пуми, од кои има околу 350 во употреба, и Мардери, од кои околу 200 се активни, иако се пензионираат.

Од оклопните транспортери, германската армија користи возила „Фукс 1“ со околу 800 возила и возила „Боксер“ со повеќе од 500 во употреба.

Германија се соочи со притисок од НАТО и Вашингтон да ги исполни своите обврски кон Алијансата, вклучително и новоусвоената обврска да троши најмалку 5 проценти од БДП за одбрана до 2035 година.