Гинеколог силувал 87 пациенти! Начинот на кој ги малтретирал е толку одвратен што предизвикува гадење: Жртвите зборува за страшните искуства, ги снимал сите! (фото)
На поранешен рурален гинеколог во моментов му се суди во Норвешка обвинет за силување на 87 жени во неговата ординација и нивните домови во текот на 20 години, што се опишува како најголемиот скандал за сексуална злоупотреба во историјата на земјата. Она што дополнително ја шокираше јавноста е фактот што ги снимал сите свои злосторства.
Гинекологот Арне Бај (55) е обвинет дека ја злоупотребил положбата за да има сексуален контакт со вкупно 94 жени, меѓу кои и две кои биле деца во моментот на наводните напади. Најстарата жена имала 67 години кога наводно била силувана, додека најмладите жртви биле на 14 и 15 години.
Бај, поранешен општински лекар, се изјасни за виновен за три случаи на силување и 35 случаи на злоупотреба на должноста и се соочува со казна затвор до 21 година.
Снимил повеќе од 6.000 часа материјал во ординација
Во текот на истрагата, полицијата запленила повеќе од 6.000 часа видео снимки, главно снимки од гинеколошки прегледи кои биле направени без знаење на пациентите. Надлежните овие снимки ги оценија како „чувствителни“.
Според обвинението, Бај, наводно, вметнал предмети како „дезодоранс“ и „цилиндрични шишиња“ во жените, без никакво медицинско оправдување за таквите постапки.
„Искуството беше болно, мислев дека ќе умрам“
Во шокантното сведочење пред судот во Тронделаг, една жена рече дека искуството било толку болно што мислела дека ќе умре. Жената идентификувана како број 18 рекла дека отишла на лекар поради болки во грлото и завршила на инвазивен преглед.
Бај главно ги вршел своите процедури во канцеларија во Фроста, мал град со само 2.600 жители, што предизвикало шок во локалната заедница.
Судот покажа видео доказ, вклучително и снимка што ја сними Бај за време на испитувањето.
„Имаме видео снимка од самата злоупотреба, што е посебен доказ, бидејќи делови од обвинението се илустрирани со тој материјал“, рече државниот обвинител Ричард Хауген Линг.
Бај пред судот тврдеше дека ги снимал прегледите бидејќи се плашел од тужби од пациентите, но негираше дека ги гледал снимките освен во врска со случајот.
Според норвешката телевизија „НРК“, на едно видео од случајот со жената број 18, Бај ги поставува камерите пред да започне прегледот. На аудио снимката се слуша како и’ кажува на жената дека „ова ќе боли“.
Жената идентификувана како број 19 рекла дека Бај постојано ја терал да седне на гинеколошката фотелја, иако претходно немала стомачни проблеми. Таа ги опиша прегледите како долги и болни.
Како што се наведува, меѓу жртвите во случајот се и нејзината ќерка и сестра.
Гинекологот не е во притвор, судењето продолжува
Првите сомнежи за Бај се појавија во 2006 година, кога друг лекар од гинеколошкиот оддел на локалната болница во Левангер пријавил сомнително однесување. Една пациентка пријавила дека обвинетиот при прегледот и’ ги масирала гениталиите.
Полицијата започна истрага во август 2022 година, откако беше пријавена можна криминална активност. Бај остана на својата позиција до официјалното поднесување на обвиненијата во 2023 година.
И покрај сериозноста на обвиненијата, Бај не беше приведен. Полицијата соопшти дека продолжува да ја следи ситуацијата, но засега нема основи за негово апсење, а судењето продолжува, пишува Дејли мејл.
