Главниот осомничен за убиството на Вања (14) имал помагачи во полицијата!? Палчо знаел како оди потрагата, ништо не беше направено како што треба (фото)

Истражните органи на Северна Македонија ги открија почетните и крајните точки од каде што беше киднапирана 14-годишната Вања Ѓорчевска и однесена на местото каде што беше убиена.

За ова кривично дело осомничени се пет лица, како и за убиството на седумдесет и четиригодишниот фризер Панчо Жежовски на чело со Љупчо Палевски Палчо. За трагедијата да биде уште поголема, се сомнева дека во сето ова учествувал и таткото на убиеното девојче Вања.

Сите осомничени се уапсени, додека Љупчо Палевски Палчо по бегството е фатен во Турција и во тек е постапката за негова екстрадиција. Во последните настапи на македонската полиција се изнесуваат нови детали и истраги, а јавноста и струката сè уште поставуваат многу прашања за самото киднапирање и за водењето на истрагата, на кои, за жал, сè уште нема одговори.

Дејан Раденковиќ , поранешен помошник началник на криминалистичката полиција на МВР на Србија, истакна дека главното прашање е зошто полицијата не постапила според методологијата на работа, уште од убиството на фризерот Жежовски. Во тој случај, како што вели, можело да се избегне убиството на Вања Ѓорчевска.

Мистериозно возило

– Ништо не беше направено како што треба. Кога бил пријавен за исчезнат, локалната полиција не постапила соодветно. По пријавата, полицијата мораше да излезе на местото на настанот, да разговара со соседите… Секогаш следете ја процедурата кога станува збор за исчезнување на лице – вели Раденковиќ.

Посочува дека е убеден оти, доколку веднаш се отпочнеше потрагата по него, ќе беше спречено убиството на малата Вања. Раденковиќ се прашува и како е можно полицијата да не го бара возилото на убиениот Панчо, кога било забележано дека и тоа го нема.

– Има паметни камери, само внесете го регистарскиот број и ќе ве известат кога ќе го снимаат тоа возило – вели Раденковиќ. Исто така, се поставува прашањето зошто некому навистина му требало возило на старец и зошто би морал да убие човек поради тоа, кога возилото може да се украде на секој чекор.

-По монструозните убиства Палчо се однесуваше сосема нормално. Имаше конференции, се рекламираше на социјалните мрежи… Ќе видиме дали е психопат. Сигурно ја злоупотребил својата општествена положба која ја стекнал со политичка инволвираност – вели Раденковиќ.

Имал информации ,,од внатре”

Поранешниот помошник началник на одделот за криминалистичка полиција на српското МВР, Раденковиќ, тврди дека убиецот сигурно имал информации за насоката на истрагата и дека по тој основ постапил за да избега од државата. Интересно е и тоа што заминува во Белград со адвокат, бидејќи очигледно сакал да го има „при рака“, вели Раденковиќ.

– Тој сигурно имал информации како се одвивала потрагата по Панчо и дека полицијата не презема апсолутно ништо во врска со тој случај. Затоа толку опуштено го правеше тоа што го правеше. Апсолутно сум сигурен дека имал помошник, односно некој што му кажал во која насока оди истрагата. Сигурен сум дека ќе ги искористи сите правни средства со кои располага да ја одложи екстрадицијата, адвокатите добро ќе ја подготват одбраната – вели Раденковиќ.

Шпекулациите дека во целиот случај е вмешана секта, Раденковиќ ги оценува како можност дека полицијата на Северна Македонија намерно објавува лажни информации, за да го оттргне вниманието од истрагата.

-Љупчо беше ултрадесничар, но не верувам дека работел за македонската служба за државна безбедност. Но, дали бил соработник на некој од нив, тоа е можно. Една новинарка од Северна Македонија истакна дека Љупчо имал врски со „валкани полицајци“, поточно со тоа полициско подземје, – вели Раденковиќ.

Тој очекува и екстрадицијата да трае до една година, а обвинетиот Палчевски да ги искористи сите средства за да ја избегне правдата во неговата земја.

Улогата на таткото

– И како човек и како професионалец не можам да верувам дека некој би го дал своето дете на дланка на вакви чудовишта. Сме имале случаи родители да ги тргуваат своите деца, но вакво нешто… Мора да се внимава, сепак, кога е во прашање улогата на таткото. Тој секако има улога во сето тоа – вели Раденковиќ.

Тој изразува и неверување дека делото е сторено од личен интерес.

Јас не учествувам во истрагата – но овде немаме докази за личен интерес. Како што слушнавме, имаат и лопати и копачо за копање дупки. Го носат девојчето во селскиот атар, без никогаш да побараат откуп од нејзините родители. Немаме никаков елемент на личен интерес – вели Раденковиќ.

Некој мора да каже дека има полициски пропусти.

– Да го бараа возилото од почеток, немаше да дојде до ова. Тие воопшто не го третираа настанот како важен. Апсолутно мислам дека има пропусти на полицијата и дека ако државата е воопшто сериозна, некој ќе треба да и’ се обрати на јавноста и да каже – да, имало пропусти во овој и тој сегмент. Но, ретко кој ќе си дозволи да го направи тоа. Но, има и голем притисок од јавноста – вели Раденковиќ.

Во фаќањето на Палевски учествуваа и српската безбедносни служби

– Ја контактирале полицијата на РС, колку што можам да видам, нашите (српските) безбедносни служби биле вклучени во лоцирањето на Палевски. Границата ја мина сосема нормално. А самиот факт што патувал со адвокат покажува дека планирал да има обезбедување покрај себе, доколку нешто се случи. Тој е човек кој знаел да манипулира – нема да ме чуди овие луѓе да ги убеди дека криминалите навистина се направени поради 500 евра и заради личен интерес – заклучува Раденковиќ.