Гласот ја открива вашата привлечност

Добриот глас, квалитетот и зачуваните гласни жици се нешто за што малкумина размислуваат. Но гласот и тонот со кој зборувате кажуваат многу за вас – бебињата тоа го знаат уште пред раѓањето, а исто така тоа може да ја открие вашата заводлива страна на личноста. Ако сакате да избегнете губење на гласот, избегнувајте да разговарате на авионски летови колку што е можно повеќе.
Д-р Грегори Постма, потпретседател на Центарот за гласовни нарушувања на универзитетот „Аугуста“, вели дека воздухот во авионот има од 8 до 12 проценти влажност, што е исто толку суво како пустината Аризона. Воздухот со многу малку влага е тежок за гласните жици, па затоа е најдобро да зборувате помалку ако сакате да ги зачувате гласните жици.
Тој исто така советува никогаш да не шепотите. Можеби ќе бидете во искушение да шепкате за да го зачувате гласот ако имате ларингитис или болно грло, но ако го правите тоа, всушност може уште повеќе да ги оштетите вашите гласни жици.
– Ги советуваме луѓето да не шепотат, бидејќи шепотењето е всушност потешко за вашиот глас отколку да зборувате со нормален тон – вели д-р Постма.
Подобро е да го користите гласот нежно наместо да ги напрегате гласните жици цврсто со шепот.
Друг интересен податок е дека постои научна причина зошто го мразиме својот глас. Кога зборуваме, енергијата скока и се префрла низ нашата уста, грло и глава, директно до внатрешниот дел на увото, а д-р Арон Џонсон, патолог за говор и јазик и доцент на катедрата за отоларингологија, објасни дека другите луѓе можат да не ја чувствуваат таа вибрација и го слушаат вашиот глас поинаку. Кога ќе го слушнете вашиот глас на снимка, звучите понежно или повисоко од она на што сте навикнати, што често е иритирачко.
Според многу студии, преку различни типови гласови може да се погодат особините на личноста, социоекономскиот статус, па дури и атрибутите како што се висината, возраста и тежината на говорникот. Всушност, некој што го слуша вашиот глас може потенцијално да ги погоди вашите физички карактеристики исто толку прецизно како некој што гледа ваша фотографија.
Сигурно сте слушнале дека мажите го намалуваат гласот кога флертуваат со жена, но дали знаевте дека жените инстинктивно го прават истото тоа? Студијата покажала дека двата пола користат низок тон бидејќи имаат повисоко ниво на физиолошка возбуда.