Глобалната трговска војна ескалира!? Европа му подготви пеколен одговор на Трамп: Пандорината кутија е отворена!

Земјите-членки на Европската унија во среда, на 9 април, треба да гласаат за контрамерки на американските царини за челик и алуминиум.

Ова денеска го изјави висок функционер на ЕУ.

Овој предлог на Комисијата ќе биде усвоен доколку не се спротивстави квалификувано мнозинство од 15-те земји-членки кои претставуваат 65 отсто од населението на ЕУ, пренесува Ројтерс.

dacic01 EPA Кент Нишимура Pool.jpg

Претседателката на Европската комисија, 
Урсула фон дер Лајен, претходно денеска силно ги критикуваше новите американски царини и најави дека ЕУ веќе подготвува контрамерки.

„Европа е во завршна фаза од првиот пакет мерки како одговор на првите царини за челик, а ние исто така подготвуваме дополнителни мерки доколку преговорите не дадат резултати “, рече Фон дер Лајен.

Американскиот претседател Доналд Трамп воведе реципрочни царини за повеќе од 180 земји и територии во светот, вклучително и царина од 20 отсто за стоки увезени од ЕУ, пишува Танјуг.

Администрацијата на Трамп, која го прогласи 2 април за „Ден на ослободувањето“, воведе и царини од 25 отсто за увозот на сите автомобили од странско производство.

Тие доаѓаат по веќе воведените царини од 25 отсто за челик и алуминиум.