Припадниците на Агенцијата за истрага и заштита на БиХ (СИПА) денеска уапсија девет лица осомничени за шверц на луѓе во областа на кантонот Тузла.
Акцијата е спроведена во соработка со Министерството за внатрешни работи на Хрватска и Европол, објави сараевскиот портал Кликс.
Во Хрватска, како што се наведува, во истата акција се уапсени четири лица.
Уапсени се државјани на БиХ и Хрватска.
Цел на акцијата се шверцери на луѓе кои со камиони и џипови превезувале турски државјани од Сараево преку државната граница до Хрватска и потоа кон Германија.
Турците легално пристигнале со авиони во Сараево, од каде што ги превземале шверцери и илегално ги возеле низ Босна и Херцеговина границите со земјите од Европската унија.
Членовите на СИПА следеле неколку вакви тури и го поместиле синџирот на шверцери, пишува сараевскиот портал.