Големи дози на витамин Ц може да бидат опасни! Лекарот објаснува што се случува ако претерате

Докторка откри дека прекумерните дози на витамин Ц можат да предизвикаат одредени здравствени проблеми.

Со студените есенски денови се зголемува потребата од витамини. Меѓу нив, можеби најважен е витаминот Ц. Витаминот Ц го зајакнува имунолошкиот систем – учествува во повеќе од 300 биолошки процеси во телото.

Овој витамин игра важна улога во различни имунолошки реакции, а учествува и во создавањето на колаген, кој е важен за зачувување на здравјето и интегритетот на кожата, мукозните мембрани и непцата.

Витаминот Ц помага во неутрализирање на слободните радикали и го намалува оксидативниот стрес, заштитувајќи ги клетките од оштетување. Помага во зајакнување на имунолошкиот систем и ја зголемува отпорноста на организмот на инфекции.

Поголемите дози на витамин Ц може да бидат опасни

Нашата соговорничка д-р Милена Турбатовиќ не потсетува дека витаминот Ц е силен антиоксиданс кој може да ја зајакне природната одбрана на вашето тело.

Антиоксидансите се молекули кои ги штитат клетките од штетните молекули (слободни радикали) кои можат да предизвикаат состојба позната како оксидативен стрес и да предизвикаат многу хронични болести.

Дневниот внес на витамин Ц е од големо значење за добро здравје и виталност, го одржува правилното функционирање на имунолошкиот систем и ја враќа изгубената енергија. Но, според доктор Турбатовиќ, важно е да се внимава при земањето на овој витамин.

 – Денеска не се препорачуваат повисоки дози поради ефектот на поврат, поради ризикот од формирање на камења во бубрезите и жолчното кесе, создавање кисела урина која го фаворизира развојот на некои бактерии – посочува докторката Милена Турубатовиќ.

Препорачани дози на витамин Ц:

• за деца од 15-75 mg на ден (во зависност од возраста)
• за мажи и жени од 60-90 mg на ден
• за трудници и доилки 120 mg на ден
• за пушачи 200 мг – вели докторката.

Потребите се индивидуални

Потребите за витамини и суплементација се индивидуални и зависат од возраста и состојбата на човечкото тело.

– Доколку често прескокнувате оброци, сте на диета, сте бремени, тренирате интензивно или имате намален имунитет поради акутна болест или стрес, треба да се консултирате со вашиот лекар. Доколку земате суплементи, мора да бидете особено внимателни да не ја надминувате препорачаната дневна количина за одредени витамини и минерали. Исто така, не мешајте повеќе производи без консултација со лекар