ГОЛЕМИ ПРОБЛЕМИ ЗА ВЛАДИМИР ПУТИН – Пригожин најави драстични промени, Захарова ги потврди шпекулациите: “Имаме проблеми во самиот врв!“

Платеничката приватна руска армија Вагнер би можела да стане организација на „тврдокорната идеолошка елита“ по неколкумесечните интензивни борби во источна Украина. 

Во видеото објавено на социјалната мрежа Телеграм во саботата, првиот човек на озлогласената руска паравоена група, Евгениј Пригожин, кажа дека по битката за Бахмут, силите на Вагнер ќе станат „армија со идеолошка компонента“.

Жестоките и крајно крвави рововски борби во Бахмут во источниот регион на Украина траат повеќе од седум месеци, а градот стана главен фоукс на Кремљ. Генералштабот на вооружените сили на Украина во неделата на социјалната мрежа Фејсбук објави дека руските воени сили „не ги запреле нападите“ на Бахмут. Во исто време, нема потврда дека руските воени сили го напреднале градот во саботата, како што е наведено во најновиот извештај на истражувачкиот Институт за проучување на војната (ISW) со седиште во САД.

Сепак, се чини дека руските воени сили постигнуваат поголем успех на тоа бојно поле. Во средата, ISW објави дека Москва контролира околу 50 отсто од градот. Руските воени сили се борат заедно со борците регрутирани од групата Вагнер за да го контролираат гранатирањето и ракетниот оган врз практично уништениот град, а се верува дека Русите како и Украинците претрпеле големи загуби.

Но, кога битката ќе заврши, како што пишува Newsweek, платеничката група треба да се реорганизира и редизајнира, барем според кажувањата на нејзиниот основач и лидер. Пригожин најверојатно се надева дека ќе ја „реструктуира“ групата во „тврда линија на идеолошка елитна воена организација“ за да се осигура дека има „специјализирана улога“ во Украина, според истражувањата на ISW.

Пригожин, руски олигарх кој е лично поврзан со рускиот претседател Владимир Путин и го доби прекарот „Готвачот на Путин“ поради профитабилните договори за неговите „угостителски услуги“ обезбедени од Кремљ, во видео објавено на социјалната мрежа Телеграм кажа дека некои од регрутираните борци ќе бидат ослободени од должноста, а ќе останат само најдобрите. 

Групата Вагнер регрутираше борци од руските затвори и казнени колонии и на тој начин доведе во своите редови, како што се проценува, илјадници осудени криминалци, вклучително и извршители на најтешките злосторства.

Пригожин, исто така, соопшти дека ќе следи уште еден бран на регрутирање за да се создаде „армија со идеолошка компонента“. Според ISW, групата се фокусирала на регрутирање помлади борци. 

„Групата Вагнер веројатно има за цел да регрутира повпечатливи регрути преку оваа кампања насочена кон помладите луѓе и да им го всади екстремистичкиот идеолошки бренд на руски ултранационализам на Пригожин“, оценува ISW.

Во саботата, поранешниот генерал-полковник на американската армија Марк Хертлинг кажа дека „зголеменото присуство“ на приватни воени компании, како што е групата Вагнер, „ќе придонесе за хаос во Русија“ доколку владата на Владимир Путин отстапи од постојаната поддршка.

Во меѓувреме, како што објави и ISW, портпаролката на Министерството за надворешни работи на Русија, Марија Захарова, во значајна изјава потврди дека има „тешки битки“ во внатрешниот круг на Кремљ, дека Кремљ се откажал од централизирана контрола врз рускиот информативен простор и дека рускиот претседател очигледно во моментов нема решение за овие проблеми.

Имено, новинари од Кремљ, академици и разни поддржувачи на Новорусија – деловите на Украина кои Руската империја ги сметаше за свои по преземањето од Отоманската империја, областа од Одеса на југ до Луганск на исток, при што Владимир Путин ги вклучува Доњецк, Луганск , Харков, Днепропетровск, Запорожје, Керсон, Миколаев и Одеса – одржаа форум за „практичните и технолошките аспекти на информациите и војувањето во модерната реалност“ во саботата во Москва.

За време на панел-дискусијата, Захарова изјави дека Кремљ не може да го обнови сталинистичкиот пристап за воспоставување модерен еквивалент на Советското информативно биро за централна контрола на внатрешниот информативен простор на Русија поради борбите меѓу „елитите“ на Кремљ, без да прецизира кои „елити“.

Овие зборови на портпаролката на првиот човек на руската дипломатија Сергеј Лавров, како што истакнуваат во ISW, се вредни за внимание бидејќи ги потврдуваат претходните оценки на Институтот – иако не само нивни, бидејќи бројни експерти, медиуми и западни политичари шпекулираат за ова уште откако првичните воени планови на Москва пропаднаа на почетокот на инвазијата – за влошувањето на односите на режимот во Кремљ и динамиката на контрола на информацискиот простор.

Изјавата на Захарова, како што се наведува во извештајот, поддржува неколку оценки – дека во Кремљ има „тепачки“ меѓу клучните членови на потесното опкружување на Владимир Путин, дека Владимир Путин во голема мера го отстапил рускиот информативен простор на различни псевдонезависни актери со текот на времето и дека рускиот претседателот очигледно не е во состојба да преземе решителни чекори со цел да ја врати контролата врз рускиот информативен простор.

Од Институтот велат дека не е јасно зошто Захарова, како искусна портпаролка на високо ниво, отворено би ги признала овие проблеми во јавна средина. Аналитичарите на ISW шпекулираат дека Захарова можеби зборувала директно за овие прашања за прв пат со цел да ги ублажи очекувањата на руските националистички провоени воени блогери за моменталната способност на Кремљ.