Голем пожар во фабрика во Париз, објавија снимки очевидци
Огромен пожар избувна во француската престолнина, додека стотици пожарникари се бореа со пламенот во една од најголемите фабрики за рециклирање во градот.
„Масивен пожар избувна во подрумот на фабриката Syctom Paris17“, рече во понеделникот Жофрој Булард, градоначалник на 17-тиот арондисман во објава преведена на X, според Телеграф.
„Целиот персонал е евакуиран, во тек е интервенција. Ве молиме избегнувајте ја областа“, предупреди градоначалникот.
Сите работници во фабриката за рециклирање Syctom, која се наоѓа на десниот брег на реката Сена северозападно од Париз, се безбедно евакуирани.
BREAKING: Massive fire erupts at Syctom waste collection site in Paris, sending thick smoke billowing across the city pic.twitter.com/C7YqMZjOI9
— Insider Paper (@TheInsiderPaper) April 7, 2025
Фабриката, која беше отворена во 2019 година, е водечки јавен оператор во Европа за отпад од домаќинствата за речиси 1 милион жители на Париз.
L’incendie majeur qui a ravagé le centre de tri du Syctom dans le 17e est dramatique et très impressionnant.
— Aurélie Assouline 🎗ن (@AureliAssouline) April 7, 2025
Un grand merci aux 200 pompiers qui continuent d’agir pour sécuriser la zone.
En tant qu’adjointe au maire pour la transition écologique, je mesure pleinement les… pic.twitter.com/uwKNnqLWV6
„Зградата е целосно уништена“, изјави Булард за телевизијата BFM. „Пожарникарите пристигнаа многу брзо, но пожарот започна под земја, а потоа се прошири низ целата зграда.
Гледачите низ Париз застанаа во понеделникот за да ги гледаат пламените јазици и чадот, исто како што направија пред речиси шест години кога пожарот ги уништи покривот и врвовите на катедралата Нотр Дам. По долгогодишна реставрација, Нотр Дам повторно беше отворен за јавноста минатиот декември.
