Горат руските складишта за нафта: Одеднаш се појави голем блесок – На мрежите се шират видеа од големиот напад (ВИДЕО)
Пожари избувнаа во две руски складишта за нафта во напади со беспилотни летала, соопштија официјални лица, во последниот во серијата украински напади врз руската нафтена индустрија.
Максим Јегоров, гувернер на областа Тамбов југоисточно од Москва, изјави дека пожарникарите гаснеле пожар во складиштето за нафта Платоновскаја што избувна по експлозија која најверојатно била предизвикана од дрон. Никој не е повреден, додаде тој.
Новинската агенција РИА јави дека се запалил вториот резервоар за складирање нафта. Локалните служби за итни случаи издадоа предупредување за можни напади со беспилотни летала и ги повикаа цивилите да бидат претпазливи и да избегнуваат отворени простори.
Пожар избувна i во складиште за нафта во руската провинција Адигеја на Северен Кавказ по напад на украинско беспилотно летало, но тој веќе е изгаснат, изјави шефот на регионот Мурат Кумпилов на комуникациската платформа Телеграм.
Украина: Ова се легитимни цели
Нападите со беспилотни летала врз големи складишта за нафта низ Русија се зголемени во последните денови, додека нападите врз рафинериите за нафта, кои имаат многу поголем ефект врз светските пазари и цените на суровата нафта, се ослабени. Украина тврди дека руските енергетски капацитети се легитимни цели бидејќи ги поддржуваат воените напори на Москва, која истовремено ги гранатира украинските градови и инфраструктура.
Early start to the thread for Thursday 20 June as another missile attack hits #Ukraine.
— Tim White (@TWMCLtd) June 20, 2024
It’s the 848th successive daily thread covering #Russia‘s invasion, never missing a single day.
Like what you read? Please consider supporting me here:https://t.co/63berkG7s2
Украинското Министерство за енергетика соопшти дека рускиот напад во четвртокот вечерта ја оштетил енергетската инфраструктура во четири украински провинции, додавајќи дека тројца работници се повредени, а некои корисници останале без струја.
Во Русија има околу 30 големи рафинерии за нафта
Неколку магацини за нафта во рускиот град Азов се запалија во вторникот по нападот со беспилотно летало за кој украински разузнавачки извор изјавил за Ројтерс дека бил извршен од Службата за безбедност на Украина (СБУ). Локалните служби за итни случаи соопштија во нивниот најнов извештај во средата дека пожарот сè уште гори по ден и половина.
Во Русија има околу 30 големи рафинерии за нафта, а секое нарушување во нивното функционирање е чувствително и на домашниот и на глобалниот пазар. Земјата има и стотици резервоари со различни нафтени продукти како што се бензинот и дизелот.
