“ГО УНИШИ ЖИВОТОТ НА НЕГОВАТА МАЛА СЕСТРА!“ – Србите конечно решија што ќе прават со семејството на детето-монструм Коста К. !? Експертите тврдат: “Постои само едно добро решение…“

Семејството на Коста К. (13 г.), момчето кое на 3. мај уби осум соученици и еден училишен чувар во основното училиште „Владислав Рибникар“ во белградски Врачар, најверојатно од безбедносни причини ќе се пресели во странство, пишуваат српските медиуми. 

Мајката на Коста и неговата 10-годишна сестра би можеле први да ја напуштат Србија, а да им се придружи и таткото на момчето-убиец, откако тој ќе излезе од притвор, пишува Pink.rs.

Психолозите и криминолозите сметаат дека ова е најдоброто решение за ова семејство, особено за сестрата на Коста.

Инаку, родителите на Коста добија стотици закани преку Интернет по невиденото злосторство што го изврши нивниот син. Таткото Владимир, почитуван радиолог, моментално е зад решетки затоа што Коста изврши масакр пукајќи со неговиот пиштол, а мајката, според неофицијалните информации на Pink.rs, зела неплатен одмор од Биолошкиот факултет каде што работи и е со својата ќерка во непознато место во Србија. Во училиштето сигурно нема да се врати помалата сестра на Коста, која исто како него учела во основното училиште „Владимир Рибникар“ и моментално е четврто одделение.

Милан Костиќ, психолог и судски вештак, смета дека и помалата сестра на Коста е жртва на нејзиниот брат, бидејќи таа ќе ги сноси последиците од неговото дело до крајот на животот.

„Таа девојка не направи ништо, а цел живот ќе биде обележана и жигосана. Околината ќе и суди и мислам дека треба да се заштити што е можно повеќе. Ваквата ситуација кај нас не е вообичаена, но важно е да и се објасни на мајката колку е сложена ситуацијата за нив и дека можеби најдоброто решение е да ја напуштат државата. Мислам дека разделбата од Коста е неопходна во овој случај. Мајката треба да разбере дека покрај синот има и ќерка и дека мора да направи нешто за да ја заштити“, изјавил Милан Костиќ и додал:

„Семејството на Коста секако не треба да се присилува на решение, туку неговата мајка и сестра да се согласат со тоа решение или да им се понуди алтернатива. Девојката е премлада за да предложи сама решение, но сепак треба да се слуша и да се открие што мисли за сето ова и што направил нејзиниот брат“.

Добривоје Радовановиќ, криминолог, истакнува дека Коста уништил многу животи и семејства во невидениот масакр.

„Уништено е се, вклучително и неговиот живот и животите на сите семејства кои ги огорчи со својот чин. Ги уништо и животите на својата мајка, татко и сестра. Неговото семејство многу години ќе трпи страшни последици бидејќи вакво нешто тешко се заборава“, истакнал Добривоје Радовановиќ.

Тој забележува дека мајката и таткото ќе ги чувствуваат последиците до крајот на животот, но дека сестрата, можеби поради нејзината младост, нема.

„Кога ќе порасне, можеби во одреден момент сестрата ќе се дистанцира од тоа злосторство, но… Сега единствено решение е промена на средината. Најкорисно е да се смени презимето, но не сум запознаен со процедурата. Секако, мајката и сестрата на Коста имаат опција да не сменат ништо, но потоа ќе ги сносат последиците. Доколку одлучат да ја напуштат државата, веројатно ќе бидат под постојан надзор на безбедносните служби на земјата во која се селат“, објаснува Добривоје Радовановиќ.

Бора Бањац, поранешен прв човек на Дирекцијата за сузбивање на организиран криминал на Србија, смета дека можеби најдоброто решение за семејството на Коста е да се пресели во далечна земја.

„Што може да се направи со нив, мислам на сестрата и мајката ? За нив нема живот ниту во Белград, ниту во Србија. Мислам дека не би можеле да живеат во ниту една земја од регионот бидејќи порано или подоцна ќе се знае кои се тие. Можеби треба да одат преку океанот, некаде доволно далеку. Ако останат тука, единствено решение е да го сменат идентитетот, но прашање е дали ќе можат да го сторат тоа“, кажал Бора Бањац, пишува Pink.rs.