Груби: Ќе се ангажирам со нашите партнери да го разјасниме ова прашање во целост

Артан Груби реагираше на неговото вклучување на американската црна листа.

Тој пишува дека ќе се ангажира со меѓународните пријатели кои го преземаат овој случај.

„Во недостиг на детални информации дознав од медиумите за денешната одлука на Стејт департментот.

Како човек кој мојот јавен живот го посветив на одбраната на западните демократски вредности и кој секогаш посветено работев за членството на земјата во НАТО и во Европската Унија, оваа одлука ме засега директно и лично.

Ќе се ангажирам со сета посветеност и максимално, заедно со нашите пријатели и партнери, со кои ја споделувавме визијата и работевме со години за интеграција на земјата во евроатлантските структури, за целосно расчистување на ова прашање, пишува Груби во својот профил на Фејсбук.

Транспарентноста и посветеноста на демократските вредности, додава тој, ќе продолжат да бидат главниот столб на секоја моја акција“, рече Груби.