Грција ќе им додели еднонеделен бесплатен одмор на туристите кои го напуштиле Родос поради пожарот
Грчкиот премиер Киријакос Мицотакис им вети еднонеделен бесплатен одмор на туристите чии одмори беа прекинати поради шумските пожари на Родос.
Мицотакис најави дека грчката Влада, во соработка со локалната власт на Родос, следната пролет или есен ќе им понуди седум дена бесплатен одмор на туристите што мораа да го скратат одморот поради пожарите на островот.
Грција се бореше со десет големи шумски пожари минатиот месец, вклучително и пожари надвор од Атина и на островот Родос.
Оваа година изгореа повеќе од 500 квадратни километри земја, што е двојно повеќе од годишниот вкупен број во 2022 година, според Европскиот информативен систем за шумски пожари, агенција на Европската Унија која ги следи штетите од шумските пожари користејќи сателитски податоци.
