Грчката полиција потврди: Откриле дека навивачите на Динамо имале соучесници, а ова е земјата од која доаѓаат

Да потсетиме, по средбите со челниците на УЕФА беше одлучено натпреварот да се одложи.

Фудбалската јавност остана во шок по ужасните инциденти на атинските улици, во кои животот го загуби 22-годишен навивач на АЕК .

„Бед Блу Бојс“ во голем број пристигнаа во Грција, а ноќта помеѓу понеделникот и вторникот над 100 од нив се најдоа во близина на стадионот „ОПАП Арена“ каде предизвикаа масовна тепачка, а убија несреќен млад човек со нож.

По тој повод се огласи и грчката полиција која потврди дека хрватските хулигани имале соучесници. Според информациите, Хрватите имале помош од грчки хулигани, а најверојатно се работи за навивачи на Панатинаикос, кои имаат братски односи со загрепчани.

Соопштението на грчката полиција го пренесуваме во целост.

– За инцидентите и тепачката меѓу навивачите на АЕК и Динамо Загреб, која резултираше со смртоносна повреда на едно лице, а повредени уште осум, се појаснува следново:

– Вчера вечерта, понеделник, 07.08.2023 година, група од 100-120 навивачи на Динамо од Загреб, заедно со нивните грчки поддржувачи-соработници, беа во Перисос. Навивачите на АЕК се собраа на поширок простор, а имаше и инциденти меѓу навивачите на двата тима, кои фрлаа ракети, импровизирани запаливи средства, предмети, камења, а користеа и импровизирани палки.

– Инцидентите се случија час и половина откако гостинската екипа заврши со тренинг и го напушти теренот, како и играчите во придружба на полицијата.

– На местото на настанот излегоа силни полициски сили кои ја задушија тепачката, а брзо онеспособија и уапсија вкупно 98 лица инволвирани во инцидентите.

Прелиминарната истрага ја спроведува Управата за безбедност на Атика, додека интензивно продолжува истрагата за откривање дополнителни сторители и секој друг аспект од случајот – се вели во полициското соопштение.

Да потсетиме, по средбите со челниците на УЕФА беше одлучено натпреварот да се одложи.