Дали болјерот треба да биде нон-стоп вклучен? Само така сметката за струја ќе ви биде помала, а сè зависи од овој фактор

Точно е дека за поефикасно ладење и помала потрошувачка на енергија, подобро е клима уредот да работи со полна брзина во текот на денот. Сметката за струја ќе се намали, а собата постојано ќе биде ладна. Но, што се случува кога станува збор за бојлерот? Дали ќе заштедиме повеќе ако го чуваме вклучен 24/7?

И додека едни ја застапуваат теоријата дека покорисно за џебот е да се остави бојлерот вклучен цел ден и ноќ, бидејќи целата вода не мора повторно да се загрева, други сметаат дека е подобро да се вклучува кога е потребно. Сепак, излегува дека нема да заштедите дополнителни пари ако вашиот бојлер е постојано вклучен.

Се разбира, сè зависи од бројот на членовите на домаќинството. Затоа, ако се работи за самец или брачен пар, порационално е да се вклучива болјерот по потреба. Од друга страна, ако се работи за семејство со голем број членови, веројатно најзгодно им е да им биде постојано вклучен бојлерот бидејќи на некој ќе му притреба вода во секој момент.

„Важна улога има и намената на бојлерот. Доколку бојлерот е наменет само за туширање, тогаш има смисла повремено да го вклучувате, а ако се работи за бојлер со голем проток кој го користите и за потребите на кујната, тогаш подобро е постојано да е вклучем“, велат експертите.

Затоа е поекономично да го вклучите кога е потребно, а секако, доколку веќе се грижите за заштедата, тогаш вклучете го кога тарифата е поевтина, додаваат професионални електричари.